Ullormi
Tuukkap Nuummi nunanit tamalaanit mittarfianut minnerata nalaani
Qeqqata Kommuniani kommunalbestyrelsi ataatsimiippoq, tassani
Kangerlussuarmi nunaqarfinni aqutsisuni ilaasortat, Johan Langep
aamma Hans Davidsenip, kommunimut allamut nuunnissartik pissutigalugu
nunaqarfinni aqutsisuni ilaasortaajunnaarnissaminnik qinnuteqaataat
suliarineqarluni. Taakku Air Greenlandimi atorfitsik pissutigalugu
Nuummut nuupput.
Paasititsereernerup
kingorna kommunalbestyrelsimut ilaasortap Juliane Enoksenip (IA)
Kangerlussuup innuttaasunullu nunaqarfimmi najugaqartussanut
siunissaq qanoq isikkoqarnersoq apeqqutigaa. Borgmester
Malik Berthelsen (S) ima akivoq:
Ullormi
Tuukkap Nuummi nunanit tamalaanit mittarfianut minnerata nalaani
Qeqqata Kommuniani kommunalbestyrelsi ataatsimiippoq, tassani
Kangerlussuarmi nunaqarfinni aqutsisuni ilaasortat, Johan Langep
aamma Hans Davidsenip, kommunimut allamut nuunnissartik pissutigalugu
nunaqarfinni aqutsisuni ilaasortaajunnaarnissaminnik qinnuteqaataat
suliarineqarluni. Taakku Air Greenlandimi atorfitsik pissutigalugu
Nuummut nuupput.
Paasititsereernerup
kingorna kommunalbestyrelsimut ilaasortap Juliane Enoksenip (IA)
Kangerlussuup innuttaasunullu nunaqarfimmi najugaqartussanut
siunissaq qanoq isikkoqarnersoq apeqqutigaa. Borgmester
Malik Berthelsen (S) ima akivoq:
-
Ulluni makkunani Kangerlussuarmi najugaqartunut
qimatsisariaqalertunut pissutsit misigissutsikkut pikkunarput. Aamma
tamanna najugaqartut aallakaanerini takuneqarsinnaavoq. Ulloq
ernummatiginikuusarput, ullumikkullu tassa timmisartorsuaq siullermik
Nuummut mittussaavoq. Ippassaani Kangerlussuarmut naggataamik
tikilluni, borgmesteri Malik Berthelsen kommunalbestyrelsip
ataatsimiinnerani oqarpoq, nangippoq:
-
Nalorninikuuvugut ernumanikuullutalu innuttaasut qanoq amerlatigisut
Kangerlussuarminngaanniit aallassanersut, kisianni tassa massakkut
naatsorsuutigivarput Kangerlussuarmiit aallakaareernerisa kingorna
suli 400 missaannik inoqassasoq, Malik Berthelsen siunissamut
isumalluarluni oqarpoq.
Isumalluarnissamik
pissutissaqarluartoq
Kangerlussuup
siunissaa nalornissutaanikuugaluartoq suli isumalluarnissamik
pissutissaqarpoq.- Inuuneq ingerlaqqittussaammat aamma
Kangerlussuup ineriartoqqinnissaa sulissutigineqartariaqarmat
nuannaarutiginikuuarput marsiminngaanniit oktobarip tungaanut
sapaatip-akunneranut marloriarluni nunatta avataaniit
Kangerlussuarmut timmisartuussisoqartarnissaanik
isumaqatigiissuteqartoqarnikuummat.- Kangerlussuarmukarluni
qimussernissaq soqutigineqarluarpoq, taassuma saniatigut umiarsuit
takornariartaatit ilaasui Kangerlussuakkoorlutik timmisartumik
paarlaakkiartortussat maannamut 40-ngajaat inniminneereersimasut.
Naatsorsuutigisinnaavarpullu immaqa piffissap ingerlanerani
amerlisinnaasut, taamaammat timmisartuussisarnissaq umiarsuillu
eqqarsaatigalugit isumaqarpugut Kangerlussuaq suli isumalluarnartumik
siunissaqartoq. Albatros Arctic Circle tassani aamma
aalajangiisorujussuuvoq, borgmesteri oqarpoq.
Takornariaqarnermut
inatsit piugaluartoq takornariaqarneq isumalluarfigigaa
- Takornarialerisunut tunngatillugu oqariartuutiginikuuara
takornariaqarnermut inatsit taakkununnga qanoq sunniuteqassanersoq
aarleqqutigalugu. Neriuppugut innarliivallaassanngitsoq,
taamaassappammi Kangerlussuarmi takornariaqarneq tamakkiisumik
ajutoortussaammat, borgmester Malik Berthelsen.
Nunaqarfimmi
inuusuttut amerlanerusut
Tunngaviusumik
ilinniarfik Kangerlussuarmiittoq soqutigineqarluarmat
ilinniartuutigineqarsinnaasut 22-niit 30-nut aappaagu
amerlineqassapput.- Taamaalilluni inuusuttut amerlanerungaartut
Kangerlussuarmut tikittalernissaat naatsorsuutigaarput.
Illersornissamut isumaqatigiinniarnermi Kangerlussuarmi
dronenut tunngasumik immikkut isumaqatigiissuteqartoqassasoq
pissanganarpoq qanoq Kangerlussuarmut isumaqartigissanersoq.
Ullumikkut pisut
nuannerpallaanngikkaluartut, pitsaasumik isumalluarnartumillu
Kangerlussuaq siunissaqarpoq. Borgmesteri Malik Berthelsen
kommunalbestyrelsip ataatsimiinnerani oqarpoq.
