Canadami naalakkersuisut 2019-imi inatsisissatut siunnersuut akuersissutigaat, tassani oqartussaasut peqquneqarput meeqqat nunap inoqqaavinut (métis-inut, inunnut, First Nationsinut) ilaasut meerarsianngortinneqaratik meeqqallu angerlarsimaffiannut inissinneqarnatik nunaqarfimminni inissinneqartassasut aamma/imaluunniit ilaqutaminnut inissinneqartassasut.
Inatsit tunngavigalugu inuiaqatigiit arlallit meeqqat ilaqutariillu pillugit susassaqarfimmik aqutsilersimapput, inatsisip siunertarisaatut. Nunap inoqqaavisa kattuffii pingasut Ontariomi Saskatchewanimilu Canadap naalakkersuisuinik ataqatigiissaarinissamut 2021-mi 2022-milu isumaqatigiissuteqarput, ataasinngornermilu – ukiumoortumik “Nuna tamakkerlugu piviusup saammaateqatigiinnerullu ulluanni” – naalakkersuisut aamma North West Territories Inuvialuit Regional Corporationillu sinniisaat isumaqatigiissummik atsioqatigiipput.
Canadami naalakkersuisut 2019-imi inatsisissatut siunnersuut akuersissutigaat, tassani oqartussaasut peqquneqarput meeqqat nunap inoqqaavinut (métis-inut, inunnut, First Nationsinut) ilaasut meerarsianngortinneqaratik meeqqallu angerlarsimaffiannut inissinneqarnatik nunaqarfimminni inissinneqartassasut aamma/imaluunniit ilaqutaminnut inissinneqartassasut.
Inatsit tunngavigalugu inuiaqatigiit arlallit meeqqat ilaqutariillu pillugit susassaqarfimmik aqutsilersimapput, inatsisip siunertarisaatut. Nunap inoqqaavisa kattuffii pingasut Ontariomi Saskatchewanimilu Canadap naalakkersuisuinik ataqatigiissaarinissamut 2021-mi 2022-milu isumaqatigiissuteqarput, ataasinngornermilu – ukiumoortumik “Nuna tamakkerlugu piviusup saammaateqatigiinnerullu ulluanni” – naalakkersuisut aamma North West Territories Inuvialuit Regional Corporationillu sinniisaat isumaqatigiissummik atsioqatigiipput.
Aaqqissuussaanerup ilaqutariit avissaartittarai
Isumaqatigiissutip illoqarfimmi Inuvimmi atsiorneqarneranut atatillugu ministeriuneq Justin Trudeau isumaqatigiissut "oqaluttuarisaanermi alloriarnertut" taavaa.
Nalliuttorsiornermi Justin Trudeaup nunap inoqqaavinut tunngasunut ministeri Patty Hajdu peqatigaa, taassumalu oqaatigaa isumaqatigiissut Inuvialuit meeqqanut ilaqutariinnullu susassaqarfik oqartussaaffigileqqikkaat.
“Kinguaariinni arlalinni naalakkersuisut tulleriiaat nunap inoqqaavisa meerartaat inuiaqatigiinnit aaqqissuussaanikkut avissaartittarpaat, tamannalu ikileerujussuartarpoq ataavartumillu misigissutsikkut anniaataasarluni. Inuvialuit pisinnaatitaaffigiuarsimasaat maanna uteqqippoq; meeqqanut ilaqutariinnullu inatsisitigut aalajangiisinnaaneq. Isumaqatigiissutip Inuvialuit meerartaminnik isumassuinissamut pisinnaatitaaffitsik utertippaat, qulakkeerlugulu kinaassusertik ilisimallugu peroriartornissaat, asanninnermik, kulturiminnik oqaatsiminnillu avatangiiseqarlutik.
Meeqqat angerlarsimaffiup avataanut inissinneqartartut ikilissasut
Aaqqissuussami Inuvimmi ingerlanneqartumi ministeriunerup Justin Trudeaup Inuvialuit sinniisui ilaatigut naapippai.
Assiliisoq: Jason Franson/The Canadian Press
Canadami meeqqat angerlarsimaffiup avataanut inissinneqarsimasut affaat sinnerlugit ukiorpassuarni nunap inoqqaavineersuupput, taakkualu angerlarsimaffimmut Europamiunut Canadamiunut angajoqqaarsianut imaluunniit meeqqat angerlarsimaffiinut ilaquttaminnit ungasissumiittumut inissinneqartarput.
Nunap inoqqaavisa, naggueqatigiit inuit aamma métisit meerartaanut ataqqinneq taperserniarlugu inatsit atuutilersissallugu Canadami naalakkersuisut Canadamiut aningaasaannik 700 millioninik (3,7 milliardit koruunit missaat) atuissallutik pisussaaffeqalerput. Tamatuma saniatigut nunap immikkoortuini ataasiakkaani pisariaqartitat assigiinngitsut aallaavigalugit aningaasaqarnikkut aaqqissuussisoqassaaq. Inuvialunnut isumaqatigiissummut kingullermut atatillugu Canadami naalakkersuisut ukiut qulit ingerlaneranni 533,5 millionit dollarit (2,6 milliardit koruunit missaat) ukioq mannamiit tapiissutigissavaat. Tamatuma saniatigut Northwest Territories aamma neriorsuivoq ukiumut dollarinik 209.000-nik (1 millionit koruunit missaat) tapiisassalluni pisussaaffeqarpoq.
