Angajoqqaat kalaallit Danmarkimiittut meeqqaminnik
pinngitsaassummik arsaagaasimasut pillugit suliat maajip aallaqqaataanit
suliarineqaqqissapput, suliallu nutaat kommunit meeqqanik kalaallinik
angajoqqaalinnik angerlarsimaffiup avataanut inissiinissamik eqqarsaateqartut
VISO-mi, isumaginninnermut ineqarnermut ministeriaqarfimmit aqunneqartumi,
suliarineqartassapput. Inatsisissatut siunnersuut, sisamanngormat
pingajussaaneerneqarsimasoq Folketingimilu akuersissutigineqartoq taama
inerneqarpoq.
Immikkoortumi nutaami sulisut 22-t
Angajoqqaat kalaallit Danmarkimiittut meeqqaminnik
pinngitsaassummik arsaagaasimasut pillugit suliat maajip aallaqqaataanit
suliarineqaqqissapput, suliallu nutaat kommunit meeqqanik kalaallinik
angajoqqaalinnik angerlarsimaffiup avataanut inissiinissamik eqqarsaateqartut
VISO-mi, isumaginninnermut ineqarnermut ministeriaqarfimmit aqunneqartumi,
suliarineqartassapput. Inatsisissatut siunnersuut, sisamanngormat
pingajussaaneerneqarsimasoq Folketingimilu akuersissutigineqartoq taama
inerneqarpoq.
Immikkoortumi nutaami sulisut 22-t
Inatsit aningaasarpassuarnik 121 million koruuninik aningaasartaqarpoq 22-llu
angullugit sulisussaqarluni, tamannalu suliassap naammassineqarnissaanut
aalajangiisuuvoq, Inuit Ataqatigiit sinnerlugit Folketingimut ilaasortaq Aaja
Chemnitz oqarpoq.
– Inatsisit immikkut taaneqarsinnaapput. Inatsisit
qanoq naammassineqartarnerat allaalluinnarpoq. Tamanna malinnaavigissavarput.
Inatsisissatut siunnersuutip siullermeerneqarnerani, aappassaaneerneqarnerani
pingajuaneerneqarneranilu tamatigut peqataasarpugut, soorunami aamma
allannguutinut siunnersuutit saqqummiunneqartut eqqarsaatigalugit.
Isumaginninnermut ministeri ataatsimeeqatigisarlugulu
apeqquterpassuaqartarpugut. Suliat ilaqutariinnut kalaallinut tunngasut
tamarmik nalilersorneqaqqittalernissaat, tassa suliat misissuutinik
atuiffiusimanngitsut inissiinermut pissutaasoq apeqqutaalluni ukiut tamaasa
ukiulluunniit allortarlugit nalilersorneqaqqittalernissaat,
oqaatigineqarsinnaavoq. Tassa VISO siunissami aamma suleqataassaaq, tamannalu
pitsaasuuvoq, Aaja Chemnitz oqarpoq.
Inatsit nutaaq alloriarnerusoq
Inatsisissaq nutaaq pissutsinik tamanik aaqqiissasoq Aaja Chemnitzip
naatsorsuutiginngilaa.
– ILO-lli isumaqatigiissutaa kalaallillu
oqaatsitigut kulturikkullu pisinnaatitaaffiisa Danmarkimi siullermeertumik
akuerineqarneri pingaarutilittut alloriarnerupput. Taamaammat inatsit una
pingaaruteqarmat malittariaqarpara. Danmarkimi kalaallinik angajoqqaanngortitsiortortoqarnerulernissaa
ilaatigut qulakkeertariaqarparput, tamatumalu saniatigut kommunalbestyrelsit
VISO-p suliamut tunngatillugu naliliineri aamma malittarissaneraat
nakkutigissavarput, Aaja Chemnitz oqarpoq nangillunilu: –
Kommunit VISO-p siunnersuutaanut akerliusumik iliuuseqartartut
misigigutsigu ministeri akisussaatikkumaarparput, Aaja Chemnitz oqarpoq.
