Digitalimik atortoqarnerup sinersorluni takornariartitsisarneq patajaallisassavaa

Takornariaqarnermut ingerlatsivik Visit Greenland nalunaarpoq 2024-mi umiarsuarnik takornariartaatinik tikittartut aatsaat taama amerlatigilernissaat ilimagineqartoq. Taamaammat umiarsuit takornariartaatit tikinnissaannut nalunaarsorfik ukkatarineqarpoq: Cruise Call-liste

- Visit Grenlandip suliassaata pingaarnerit ilagaat takornariaqarnerup ineriartortinneqarnerani nunaqavissut takornarialerisullu pissarsiassaat annerpaaq qulakkeerniarlugu sulissalluni. Nittartakkap nutarternera maanna ullutsinnut tulluarsarsimalersoq tassaavoq takornariaqarnerup pitsaanerusup - tassa suliffeqarfeeqqaniit innuttaasunut ataasiakkaanut iluaqutaasussaq - maanna atorluarneqarneratigut takornariartaassualerinerup iluaqutissartai tamanit iluaqutigineqartussaq, Helene Lyberth Steffensen, Visit Greenlandimi Takornariartaassuarnik Sullissinermi Inerisaanermilu Pisortaq tusagassiorfiunnut nalunaarummi oqarpoq.

Ataqatigiissaarilluarnerulerneq

Erseqqissarneqarpoq umiarsualivinni tikittaqattaarnerit pitsaanerusumik ataqatigiissaarneqassasut. Cruise Call-listip nutaap siunertaraa umiarsuarpassuit Kalaallit Nunaannut tikittartut pilersaarusiornerat pitsaanerulersinniarlugu pissarsiaqarnarnerulernnissaallu. Tamanna isumaqarpoq suliffeqarfiit nunaqavissullu piareersarluarsinnaanerulernissaat, tikeraat tikeraartitsisullu pitsaanerpaamik misigisaqartinniarlugit, nalunaarummi allassimavoq.

Umiarsualivinni sulisut umiarsuaatileqatigiiffinnut nunanit tamalaaneersunut attaveqartut suleqatigalugit umiarsuarnut tikiffissat allattorsimaffiat suliarineqartarpoq.