KNR-imi atorfiit arlallit inuttaqanngillat. Tamanna peqqutaalluni KNR-ip tusagassiisarnini annikillisittariaqarsimavaa, tamannalu inuiaqatigiinnut annertuumik kinguneqarpoq.
- Tamat oqartussaaqataanerannut peqquteqarpoq. Tusagassiuutit nukittuut innuttaasunut paasissutissiisinnaasut pisariaqarput, Kalaallit Nunaanni susoqarnersoq alaatsinaaffigineqartariaqarluni. Maannakkut KNR sulisoqaannarnissamut ajornartorsiuteqangaatsiarpoq, allaammi kalaallinut inuiaqatigiinnut tusagassiisarnertik annikillisittariaqalerlugu. Tamanna Kalaallit Nunaanni inuiaqatigiit oqartussaaqataanerannut ajornartorsiutaavoq annertooq, DJ-imi siulittaasoq, Tine Johansen Sermitsiamut oqarpoq.
KNR-imi atorfiit arlallit inuttaqanngillat. Tamanna peqqutaalluni KNR-ip tusagassiisarnini annikillisittariaqarsimavaa, tamannalu inuiaqatigiinnut annertuumik kinguneqarpoq.
- Tamat oqartussaaqataanerannut peqquteqarpoq. Tusagassiuutit nukittuut innuttaasunut paasissutissiisinnaasut pisariaqarput, Kalaallit Nunaanni susoqarnersoq alaatsinaaffigineqartariaqarluni. Maannakkut KNR sulisoqaannarnissamut ajornartorsiuteqangaatsiarpoq, allaammi kalaallinut inuiaqatigiinnut tusagassiisarnertik annikillisittariaqalerlugu. Tamanna Kalaallit Nunaanni inuiaqatigiit oqartussaaqataanerannut ajornartorsiutaavoq annertooq, DJ-imi siulittaasoq, Tine Johansen Sermitsiamut oqarpoq.
Taamaammat pisortat siulersuisullu sulisunut sulisimasunullu tusarnaartariaqartut, siulittaasup kaammattuutigaa:
- Sulisut suliunnarsimasullu tusarnaartariaqarpaat, ajornartorsiutip qiterpiaa paasiniarlugu - minnerunngitsumillu KNR-imi sulinermi atukkat sulinermilu avatangiisit iliuuseqarfigisariaqarpaat.
Sulisussaaleqineq tamat oqartussaaqataanerannut innarliisoq
Nunami Kalaallit Nunaanniittutut ittumi, innuttaasut nunami siammarsimaqisumi illoqarfiillu nunaqarfiillu imminnut ungasissumiittut, tusagassiuutit innuttaasunut inuiaqatigiinni qanoq pisoqarneranik paasissutissiinermut pingaaruteqarluinnarput.
Nutaarsiassat annikinnerujartortillugit inuiaqatigiit paasissutissat pisariaqartitaat matussuserneqarsinnaanngillat.
- Nutaarsiassiisarnerit annikillisinneqarneratigut tamat oqartussaaqataanerannut ajornartorsiutaavoq, Tine Johansen erseqqissaavoq naggasiillunilu:
- Nutaarsiassat aallakaatitassiallu ikilisinneqarnerisigut inuiaqatigiinnut ajornartorsiutinngorsinnaavoq, taamaattumillu soorunami sulinermi avatangiisit pitsaanerulersinniarlugit ilungersorluni suliniuteqartoqartariaqarpoq.
Maannakkorpiaq KNR-imi nutaarsiassaqarfimmi tusagassiortut arfineq-pingasut amigaatigineqarput, ataaserlu Qanoruumi aaqqissuisoq. Sulisussarsiornerit KNR-ip nittartagaani ersipput.
