Aappaagu Kalaallit Nunaata nammineq erfalasoqalerneraniit ukiut 40-t qaangiutissapput. Erfalasorput. Ukiullu nalliuttorsiorfiusussap qanillinerani erfalasut pillugit soqutiginartumik pisoqaqqajaavoq.
- Naalakkersuisut anguniagaraat inatsimmut oqartussaaffimmik tigusinissaq, tamannalu pillugu danskit oqartussaasuinut saaffiginnittoqareerpoq suli akineqanngitsumik. Oqartussaaffiup tiguneratigut nammineq aaliangiisinnaalernissaq siunnerfiuvoq, Múte B. Egede §-37 naapertorlugu apeqqummut atatillugu Kuno Fenckerimut Siumumeersumut akissutimini taama allappoq.
Aappaagu Kalaallit Nunaata nammineq erfalasoqalerneraniit ukiut 40-t qaangiutissapput. Erfalasorput. Ukiullu nalliuttorsiorfiusussap qanillinerani erfalasut pillugit soqutiginartumik pisoqaqqajaavoq.
- Naalakkersuisut anguniagaraat inatsimmut oqartussaaffimmik tigusinissaq, tamannalu pillugu danskit oqartussaasuinut saaffiginnittoqareerpoq suli akineqanngitsumik. Oqartussaaffiup tiguneratigut nammineq aaliangiisinnaalernissaq siunnerfiuvoq, Múte B. Egede §-37 naapertorlugu apeqqummut atatillugu Kuno Fenckerimut Siumumeersumut akissutimini taama allappoq.
Kuno Fenckerip Naalakkersuisuni siulittaasoq aperaa » pilersaaruteqarpat naalagaaffik qinnuigissallugu inatsit nr. 222 06/06/1985-imeersup allanngortinnissaa pissasoq, taamaalilluni naalagaaffiup Kalaallit Nunaanni suliassanik ingerlatsinermini Erfalasorput atortalissammagu, imaluunniit Dannebrog peqatigalugu atortalissammagu, pingaartumik sakkutuut nunami imaanilu suliaqartillugit?«
Inatsit pineqartoq 1985-imeersuuvoq. Paragraf 3-mi allassimavoq » Naalagaaffiup Kalaallit Nunaanni ingerlataani Dannebrog atorneqassasoq «. Inatsimmi paragraffi pisoqassisimasutut isigineqartariaqartoq Kuno Fencker apeqquteqaatiminut tunngavilersuutimini allappoq.
- Inuppassuarnut kalaallinut Erfalasorput tassaanaanngilaq katinngat, kisianni aamma nunatut kinaassuseqarnermik namminersulernermullu ersarissumik ersiutaavoq. Taamaattumik pingaaruteqarpoq pisortat ingerlataani tamani Erfalasorput ilisarnaatitut akuerineqarlunilu ataqqineqarnissaa, pingaartumik naalagaaffiup Nunatsinni ingerlataanut tunngatillugu, allappoq.
Ministeri akissuteqartoq
Kuno Fencker suliamik soqutiginnittuni kisimi politikkeriunngilaq. AG-mi allaaserineqartutut folketingimut ilaasortap Aaja Chemnitzip (IA) ajornartorsiut Danmarkimi naalakkersuisunut aamma saqqummiuppaa, maannalu illersornissamut ministerimit Troels Lund Poulsenimit (V) akissutisivoq.
- Imaatigut angallannermi erfalasunik atuineq ileqqutoqqamut attuumassuteqarluinnarpoq, kisianni Naalakkersuisut taama kissaateqarpata danskit kalaallillu erfalasuisa ullumikkuminngarnit atugaanerulersinnaanerat oqaloqatigiissutigerusuppara, ministeri allappoq.
Akissuteqaammut ilanngullugu „FN-ip imarsiornermut inatsisit pillugit isumaqatigiissutaa naapertorlugu umiarsuaat, „tamatumunnga ilanngullugit umiarsuaat sorsuutit“, taamaallaat „nunap ataatsip erfalasuanik erfalasoqarsinnaasut“ danskit sakkutuuisa naalagaaffiat nalunaarsimasoq innersuussutigaa.
Allatulli aamma akuersissuteqartoqarsinnaasoq sakkutuut naalagaaneqarfianniit nalunaarutigineqarpoq.
- Immikkut ittunik pisoqartillugu, soorlu juunip 21-ani inuiattut ullorsiornermi, Illersornissaqarfiup umiarsuai Kalaallit Nunaata imartaani erfalasulertarput. Erfalasoq immikkut ittunik pisoqartillugu inuiattut erfalasup saniatigut atorneqartarpoq, taamaattumillu erfalasoq taarserneq ajorpaat, sakkutuut naalagaaneqarfiat ilisimatitsivoq.
