Kommunip akissarsisitsinermut atortorissaarutaani kukkuneq pissutigalugu Suila-tapit kinguaattoortut

Kommunimi sulisut qaammammusiallit tallimanngornermi Suila-tapisiassaat kinguartinneqartut Kommune Kujalleq ilisimatitsivoq

Kommunip kinguaattoornera “teknikkikkut ajutoorneq” pissutigalugu pisoq nassuiaatigineqarpoq.
Saqqummersinneqarpoq

Kommune Kujallermi qaammammusiallit Suila - tapit qaammammi matumani pissarsiarinissaat naatsorsuutigissanngilaat.

– Matumuuna akissarsialerissummi teknikkikkut ajoqut Kommune Kujalliup Akissarsialerivianiit paasineqarsimalermat, tamannalu pissutigalugu novembarip 20-anni Kommune Kujallermi qaammammusiallit SUILA-rsiassaannik tunniussisoqarsinnaanavianngitsoq nalunaarutigissavarput.

Inuit eqqugaasut aningaasaatitik suli pissavaat, aatsaallu decembarimi Suilamut atatillugu aningaasanik tunniussinermi pissarsiarissallugit.

– Akissarsiat suliarineqarnerat sioqqullugu ajoqutip paasineqarsimannginnera ajuusaarutigaarput, paasinninnissinnut qujanaq, Kommune Kujalleq allappoq.

Suila tapit tassaapput suliffeqarnermut atatillugu ilanngaatit qaammatip tallimanngornerini pingajuanni tunniunneqartartut.

Aaqqissuussaq allanngortinniarlugu aningaasarsiffiit nalinginnaasut atorneqalernissaat Inatsisartut Kukkunersiuinermut Ataatsimiititaliaata siunnersuutigaa. Tamanna Suila-tapit nuna tamakkerlugu annertuumik kukkuluttorfigineqareersullu pivoq.

Powered by Labrador CMS