KL

DK

Erik Jensenip Donald Trump Jr. naapilinnginnerarpaa

Siumup siulittaasuata Erik Jensenip Donald Trumpip erneranik, tusagassiuutit arlallit naapertorlugit ataatsimeeqateqarnissani ilumuunnginnerarpaa. Præsidentinngortussap ernera pisortatigoortumik namminersortumilluunniit ataatsimeeqatiginiannginnerarpaa apeqquserlugulu sooq tusagassiuutitigut taama allaaserineqarnersoq.

Naalakkersuisoq for finanser og skatter Erik Jensen: – Jeg har nu bedt mit departement indlede en dialog med Sikuki Nuuk Harbour A/S om en eventuel lovændring af havneafgiften i Kangerlussuaq.
Kikkut tamarmik nunatsinnut tikilluaqqusaapput, aamma Trump. Præsidentinngorlaap ernerata, aamma nammineq siunnersortaata, nunatsinnut soqutiginninnera Kalaallit Nunaannut pimoorussinermut ersiutaavoq.
Tôrtia Reimer-Johansen
Journalist
Offentliggjort

Erik Jensenip (S) apersorneqarnermini oqaatigaa, Naalakkersuisut allat ilagalugit ullumikkut marlunngornermi Københavnilialerlutik. Tassani qangali pilersaarutaareersumik ataatsimiigialernerarpoq.

Donald Trumpip erneranik tikeraartoqalerneranik nutaarsiassat saqqummiussinerat ilumuunnginnerarpaa.

Taamaattumik Donald Trump ernerata nunatsinnut tikeraarnerani ataatsimeeqatiginissaanik isumaliutersuutit tamaasa ilumuunnginnerarpai.

- Naluara sooq KNR-i taama nutaarsiassiinersoq, aamma kikkut isertortumik taama oqalussimanersut. Oqaatigisinnaavara naapinnissaanut pilersaaruteqannginnama, Erik Jensen, Siumut siulittaasuat oqarpoq.

Nunatsinnut tikilluaqqusineq

Tikeraarnerli pimoorunneqartariaqartoq isumaqarfigaa.

- Tikeraartussaasimavoq. Kikkulluunniit tikeraaruttut tikilluaqqusaapput, piumasaqaatigut naapertorneqarpata. Aamma Trumpikkut tikilluaqqusaapput. 

- Kikkut tamarmik nunatsinnut tikilluaqqusaapput, aamma Trump. Præsidentinngorlaap ernerata, aamma nammineq siunnersortaata, nunatsinnut soqutiginninnera Kalaallit Nunaannut pimoorussinermut ersiutaavoq.

- Kisianni erseqqissarusuppara, nunarput tuniniagaanngilaq aamma tuniniagaalinngisaannassaaq.

Siumut nukittorsaanissamut pilersaaruteqareersoq

Erik Jensenip oqaasii naapertorlugit tikeraartoqarnissamut pilersaaruteqarput, tassani tikeraartoqarnermi nunatsinnut nukittorsaataasussat oqaluuserineqassallutik, soorlu niuernikkut, ilinniartitaanikkut, aatsitassarsiornikkut illersornissakkullu.

-  Nunat allat nunatsinnut soqutignninninerat atorluartariaqarparput, qanoruna atorluarsinnaagigut?

Nunatta namminiilivinnissaanut USA ikiuussinnaava?

Nunatta namminiilivinnissaanut USA sunneeqataasinnaanersoq Erik Jensen aperineqarami ima akivoq:

- Apeqquterujussuaq, akiuminaatsippara, isumaqarpunga nunat allat suulluunniit suleqatigisinnaasagut aporfiunavianngitsut.

inuiaqatigiit erik jensen donald trump jr. naalakkersuisut siumut samfund

ATORFIIT Se alle jobs

Powered by Labrador CMS