NunaGreen
Utoqqarmiut Kangerluarsunnguanni erngup nukingata allilernissaanut
taarsigassarsinissaminut pitsaanerpaanik atugassaqartitaaniarluni
aningaaserivinnut aningaasaliisussarsiorpoq.
– Tamanna
uatsinnut alloriarnerussaaq pingaarutilik. Aningaasaliinissaq
pisariaqartinneqartoq qulakkeertariaqarparput, aamma
mingutsitsinngitsunut suliniutinut aningaasaliinissamut
soqutiginninneq annertusoq misigisinnaavarput. Taamaattumik aamma
pitsaasunik atugassaqartitaanissarput naatsorsuutigaarput,
NunaGreenip pisortaa Aviaaja Karlshøj Knudsen oqarpoq.
NunaGreen
Utoqqarmiut Kangerluarsunnguanni erngup nukingata allilernissaanut
taarsigassarsinissaminut pitsaanerpaanik atugassaqartitaaniarluni
aningaaserivinnut aningaasaliisussarsiorpoq.
– Tamanna
uatsinnut alloriarnerussaaq pingaarutilik. Aningaasaliinissaq
pisariaqartinneqartoq qulakkeertariaqarparput, aamma
mingutsitsinngitsunut suliniutinut aningaasaliinissamut
soqutiginninneq annertusoq misigisinnaavarput. Taamaattumik aamma
pitsaasunik atugassaqartitaanissarput naatsorsuutigaarput,
NunaGreenip pisortaa Aviaaja Karlshøj Knudsen oqarpoq.
Aningaasaliinerit
taarsigassarsinissarlu
NunaGreen
Nunatta Karsianit 400 millionit koruuninik aningaasaliiffigineqarpoq.
Aningaasat
taakku aalajangersimasunut atugassiissutaapput:
•
Utoqqarmiut Kangerluarsunnguata allilernissaanut 250 millionit
koruunit
• Qeqertarsuup Tunuani erngup nukinganik
nukissiorfiliornissamut 150 millionit koruunit
Aningaasat
suliniutip piviusunngortinnissaanut atorneqartussaapput, maannakkut
aningaasarsiat, siunnersortit neqeroorutinillu piareersaaneq
pingaarnertut aningaasartuutigineqassallutik.
Allilerinerup
aallartinnginnerani aningaasartuutit tamaasa
matussutissaqartinniarlugit tapiissutaasussanik
taarsigassarsisoqassaaq. Allilerinissaq milliardikkaanik
aningaasaliiffigineqassaaq, NunaGreenillu
suliariumannittussarsiornerani neqeroorutigineqartut apeqqutaallutik
aningaasartuutissatut missingersuutigineqartut aatsaat
inissinneqarsinnaapput.
– Erngup
nukinganik nukissiorfik nutaaq naammassippat, innaallagissamik
tunisassiornermik tamakkiisumik ingerlatsineq piginnittuunerlu
Nukissiorfiit tigussavaat. Suliniummi taarsigassarsiarineqartut
Nukissiorfiit innaallagissamik atuisunut suliffeqarfinnullu
tunisaannit taarsersorneqassasut, pisortap oqaatigaa.
Aningaaseriviit
soqutigisaat
NunaGreenip
taarsigassarsiniarfigineqartussat siornali misileraaffigai. Paasisat
neriulluarnartoqarput:
-
Mingutsitsinngitsunut suliniutinut aningaasaliinissamut
soqutiginninneq annertusoq takusinnaavarput. Aningaaserivippassuit
suliffeqarfiillu nungusaataanngitsumik atuinissamut periaasissamik
ilaattut isigaat, oqarpoq.
Tamatuma
saniatigut Danmarkimut tunngaviusumik isumaqatigiissuteqartoqarpoq,
tassa naalagaaffiup suliniummut taarsigassarsiat 95 procentiinut
qularnaveeqqusiinissaanut tunngasumik – aningaasalersuinermut
aningaasartuutit ilanngullugit. Isumaqatigiissut Aningaasaqarnermut
Ministereqarfimmit januaarip 11-anni 2024-mi saqqummiunneqarpoq.
Kisitsisit
pingaarutillit
• 400
millionit koruunit – landskarsimit aningaasaliissutit
• 2032
– alliliinerup pilersaarutit naapertorlugit atorneqalernera
• 16
km-inik isorartussusilik sullorsualiaq – sanaartornermi suliassat
ilungersunarnerpaartaat
• Angutit
150-200-t – sanaartorfimmi sulisussat naatsorsuutigineqartut
• >
Ukiut 30-t – Utoqqarmiut Kangerluarsunnguanni erngup nukinganik
nukissiorfiup maannamut atuuffia
Aarlerinartut
nalorninartullu
Sanaartornermi
akit nunarsuaq tamakkerlugu ukiuni kingullerni qaffakkiartorsimapput,
suliniullu minnerpaamik ukiuni tallimani suliarineqassalluni.
-
Suliniutit angisuut piffissami taama sivisutigisumi
sanaartorneqartut, tamatigut annertuumik nalorninartorsiorfiusarput.
Naalagaaffiulli qularnaveeqqusiineratigut iluaqutaasumillu
aningaasaliisoqarneratigut, pilersaarut missingersuutit iluini
aallartinneqarsinnaassasoq neriuutigaarput, Aviaaja Karlshøj Knudsen
oqarpoq.
