Mariane Paviasen Jensenip amerikamiu aningaasaliisartoq Kuannersuarni suliniummik ingerlatsisunik ataatsimeeqateqarnerarlugu Inuit Ataqatigiit Facebookimi qupperneranni sapaatit akunnerani kingullermi allaaseraa.
- Uggornartua unaavoq anigaasaatilissuit Narsami innuttaasunut annerusumik isumaanik tusassallutik soqutiginnissimannginnerat, taamaaliorsimagunimmi paasissagaluarpaat suna pissutigalugu Nunaqavissut Kuannersuarni aatsitassarsioqqusinnginnersut, paaseqatigiissutigereersimassagaluarlugulu Kuannersuarni aatsitassarsiorniarneq tassaasoq ilisimasat aallaavigilluinnarlugit akerlerineqartoq, taakkununngalu aningaasaliinnissaq orniginartuunngitsoq inuiaqatigiit isumaat ataqqigaaani, Inuit Ataqatigiit sinnerlugit Inatsisartuni ilaasortaq Mariane Paviasen Jensen allappoq.
Mariane Paviasen Jensenip amerikamiu aningaasaliisartoq Kuannersuarni suliniummik ingerlatsisunik ataatsimeeqateqarnerarlugu Inuit Ataqatigiit Facebookimi qupperneranni sapaatit akunnerani kingullermi allaaseraa.
- Uggornartua unaavoq anigaasaatilissuit Narsami innuttaasunut annerusumik isumaanik tusassallutik soqutiginnissimannginnerat, taamaaliorsimagunimmi paasissagaluarpaat suna pissutigalugu Nunaqavissut Kuannersuarni aatsitassarsioqqusinnginnersut, paaseqatigiissutigereersimassagaluarlugulu Kuannersuarni aatsitassarsiorniarneq tassaasoq ilisimasat aallaavigilluinnarlugit akerlerineqartoq, taakkununngalu aningaasaliinnissaq orniginartuunngitsoq inuiaqatigiit isumaat ataqqigaaani, Inuit Ataqatigiit sinnerlugit Inatsisartuni ilaasortaq Mariane Paviasen Jensen allappoq.
Amerikamiu aningaasaliisartoq Killavaat Alannguat alakkarlugu Narsamiissimasoq KNR-imit maajip arfineq-pingajuanni allaaserineqarpoq – aningaasaliisartoq taanna Mariane Paviasen Jensenip pineraa tusagassiuutinut nalunaarummi allassimanngilaq.
Taamaattoqaraluartoq pineqartup Kuannersuiarni suliniut pillugu ataatsimeeqateqarsimanngilaq. Energy Transition Minerals (ETM) tusagassiuutinut nalunaarummi allappoq.
- Oqaatigineqartoq eqqunngitsuullunilu piviusuunngilaq. "Amerikamiut aningaasaliisuat“ IA-p
tusagassiuutinut nalunaarutaani eqqaaneqartoq Kuannersuarni suliniummut sinniisunik
ataatsimeeqateqarnissaminut Narsamiissimanngilaq.
- Piaaraluni pisunik taama
salloqittaatiginninnera IA-p Kuannersuarni suliniut pillugu ersititsisarneranut
eqqunngitsumillu paasissutissiineranut naapertuuppoq, ETM allappoq.
Uranimik piiaanissaq inerteqqutigineqartoq
ETM 2007-imi misissuinissamut akuersissuteqalerpoq, taamaalillunilu Kuannersuarni aatsitassarsiornissamik periarfissanik misissuinissamut akuerineqarluni. Aatsitassarsiorfeqalernissamulli qinnuteqaataat inaarutaasoq 2023-mi itigartitsissutigineqarpoq.
Inatsisartuni uranimik piiaasinnaanermut inerteqqut 2021-mi akuerineqarmat itigartitsinermut tunngaviusoq erseqqissarneqarpoq.
Tamanna ETM-ip suliniutaanik akornusiivoq, tamatumalu kingunerisaanik Danmarki Kalaallit Nunaallu 76 milliardit koruuninik taarsiiffigitinnissamik piumasaqarlutik eqqartuussivimmut 2023-mi suliassanngortippaat, 2024-milu Namminersorlutik Oqartussat eqqartuussivimmut suliassanngortitsipput.
Inuit Ataqatigiit uranimik piiaanissamut ukiorpassuarni akerliupput, 2021-milu Inatsisartunut qinersinermi qineqqusaarutigalugu.
- Kalaallit nunaanni ilisimasariaqakkagut naammattut pigaagut tassalu Kuanersuit aatsitassarsiorfigineqalissappat nunatsinnut annertuumik annaasaqaataaginnasasoq ilisimavarput, ammarneqassagunilu pinngortitaq avatangiiseq inuit inuussutissarsiuteqartullu allat tamaviisa akornuserlugillu suujunnaarsissammassuk Kalaallit eqqarsartaasitsinni tunngaviusorujussuarmik pingaartitagut suut tamaasa akigissallugit pissutissaqanngilagut, Mariane Paviasen Jensen Facebookimi allappoq.
Tamannali eqqunngitsoq EMT allappoq.
- Taamatulli oqarneq avatangiisinut sunniutinut naliliinernut ilisimatuussutsikkullu
misissuinernut annertuunut, immikkut ilisimasalinnik attuumassuteqanngitsunik
suliarineqartunut, avatangiisinullu sunniuteqarnerpaajunnaarnissamik akisussaassuseqarluta
ineriartorniarluta aalajangersimanerput pillugu uppernarsaatissanut, akerliulluinnarpoq, allapput.
Paasissutissanik eqqunngitsunik siammarterineq
Kalaallit Nunaanni piujuartitsisumik suliniutinik aningaasaliisoqarnissaanut ammasoq Mariane Paviasen Jensen nangilluni allappoq.
- Aningaasaliiniarussi inuiaat inatsisillu atuuttut, piujuartitsinermik inunnullu ataqqinninneq aallaavigigussigit tamatsinnut iluatitsinerussaaq.
Politikerit oqariartuutai tamaasa uppereqqunagit ETM kajumissaarivoq.
- Inuit kajumissaarpavut uppernarsaatit ilisimatuussutsikkullu naliliinerit misissoqqullugit
politikkikkut peqquteqartumik eqqunngitsumik paasissutissiinerit tutsuiginagit.
- Aamma IA aamma Inatsisartuni ilaasortaq Mariane Paviasen Jensen kajumissaarpavut
eqqunngitsumik paasissutissiisarneq unitseqqullugu, taarsiullugulu Kalaallit Nunaata
siunissami pisuussutinik ineriartortitsinissaa pillugu unneqqarissumik piviusunillu
tunngaveqartumik oqaloqatigiinnissamut.
Isumaqatigiissitsiniarnermut suliaq imaluunniit Kalaallit Nunaannut Danmarkimullu eqqartuussivimmi suliaq suli naammassineqanngilaq.
