EU-Kommissioni: Putut pinngitsoortinneqassappata droninut qarmaliornissaq pillugu nunat EU-mi ilaasortat tamarmik tapersersuinissaat pisariaqarpoq

Nunat EU-mi ilaasortat tamarmik suliniummut peqataassapput "dronenut qarmaq" pillugu. EU-kommissionip oqaaseqartartuata ataasinngornermi tamanna erseqqissaatigaa.

Oqaaseqaat EU-miit nunat siuttui dronenut qarmaq pillugu oqaloqatigiinnissamut piareersarlutik pingasunngornermi københavnimi ataatsimeersuarnissamut siumut nalunaarutigineqarpoq.

- Iluaqutaanavianngilaq, dronenut qarmaq putulik sanassagaluarutsigu. Avannaaniit kujammut matusinissarput pisariaqartipparput, tassami kangiata tungaanut illersorneqartariaqarpugut, oqaaseqartartoq oqarpoq.

Tassunga atatillugu EU-kommissioni ataatsimoornissamut kaammattuivoq, ungarnip ukraine sakkunik ikiorneqarnissaa arlaleriarluni itigartimmagu, aammalu spaniamiut siusinnerusukkut Ruslandimit navianartorsiortinneqartutut misigisimannginnerarnikuummata.

Siullermik EU-mi nunat ikittuinnaat, Danmark ilannguni, sapaatip akunnerani kingullermi dronenut qarmaq pillugu ataatsimiipput.

Naalagaaffiit ataatsimiinnermi peqataasut - Danmarkip saniatigut - Bulgarien, Estland, Finland, Letland, Litauen, Polen, Rumænien, Slovakiet aamma Ukrainemiit sinniisut peqataapput.

EU-kommissionip kaammattuinera naapertorlugu, tamanna iluatsissinnaassappat, nunat EU-mi ilaasortat tamarmik peqataasariaqarput.

- Qarmaq qimaaffissanik putulik iluaqutaassanngilaq. Taamaattumik naalagaaffiit EU-mi ilaasortat tamarmik peqataasariaqarput, oqaaseqartartoq oqarpoq.

Taamaakkaluartoq EU-p naalagaaffii  ukraine pillugu illersornissamullu ataatsimik oqaaseqarnissamut ajornartorsiuteqarput.

Ungarnip ministeriunerata, viktor orbánip, sorsunnermut tunngatillugu ukraine isornartorsiorpaa Ruslandillu præsidentia, Vladimir Putin, assammillugulu eqillugu.

Ataasinngornermi orbán immikkut ittumik ilumuunnginneraasariaqarsimavoq, Ungarni unioqqutitsisimaneragaalluni Ukrainep silaannartaa innimiilliorfigisimagitsik  dronenik nassiussuinikkut.

- kisianni oqariarta, meterit arlallit isertinneqarsimagaluarpat. taava susoqassava? Ukraine naalagaaffiunngilaq namminersortoq. Ukraine naalagaaffiunngilaq imminut oqartussaaffigisoq.

- ukraine immap qulaaniitipparput. Nunat killiit immap qulaaniitippaat. Sakkussaannik tunisarpaguit. Taamaattorli Ukraine naalagaaffittut  pissusilersornaveersaartariaqarpoq, AFP naapertorlugu orbán oqarpoq.

Europap kujataani illersornissamut aningaasalersuinerit annertusiartorneri pillugit Spaniap ministeriuneranit, pedro sánchezimit, isornartorsiorneqarpoq.

Haagimi NATO-p ataatsimeersuarnerani juunimi sánchez maluginiarneqarpoq, nunap isertitaasa procentii marluk taamaallaat illersornissamut Spanien atuerusuttoq.

NATO-p ilaasortai naalagaaffiit illersornissamut 3,5 procentimik toqqaannartumik atuissallutik, 1,5 procentimik isumannaallisaanermut annertunerusumik atuissallutik isumaqatigiissuteqarmata.

Spania aamma EU-p naalagaaffiinit allanit coronamut ikiorsiissutinik annerpaamik pissarsinikuuvoq.

Taamaattumik, sapaatip-akunnerani kingullermi Finlandip illersornissamut ministeriata, Antti Häkkänenip, sydeuropami nunat ataatsimoornissamut kaammattorpai.

- Europap avannaamiuinit Europap kujasissortaaniittunut tunillaassuinerup nalaani nammaqatiginninneq annertuvoq. Maanna uagut tullinnguuppugut. Maanna EU-p nunat kujammut avannamullu killeqarfiiniittut ataatsimoornissamut EU-p nunat killiit sydeuropamiittut pisariaqartippaat.

- Nunat tamarmik ukiut arlallit ingerlaneranni ajornartorsiuteqartarput. Maanna uagut tullinnguuppugut, Antti Häkkänen oqarpoq tallimanngornermi dronet pillugit ataatsimiinnerup aallartinnerani.

Taamaalilluni Finlandip sydeuropa aamma dronemik illersornissamut aningaasaliissasut piumasaraa, Ruslandimit isumannaatsumik ungasissumiillutik.

Dronenut qarmaliortoqarnissaanik aammalu illersornissamut EU-p suleqatigiinneranut pilersaarutit allat pillugit isumassarsiaq pilersaarutigineqartutut Københavnimi EU-p ataatsimeersuarnerani oqaluuserineqassaaq.

Taamaalilluni Københavnimi EU-p nunat dronemik illersornissamut peqataarusunnerlutik nalunaarsinnaanerat pitsaanerpaamik periarfissaassaaq.

EU-p kommissioniata Københavnimi ataatsimiinnermi siullermik EU-p 2030-mut illersornissamut pilersaarutaanut isummersuutit pissarsiarerusuppai, EU-p kommissioniata oqaaseqartartua oqarpoq.

Taamaalilluni Københavnimi ataatsimiinnerup kingorna aatsaat pilersaarut saqqummiunneqarnissaa ilimagineqarpoq.

- Københavnimi ataatsimiinneq periarfissaassaaq ilaasortat nunat tusarnaassallugit, taamaalilluta pilersaarut pillugu sulinitsinnik nanginnissatsinnut periarfissaqalissalluta qaammatip naanerani oqaluuserisassanngortillugu, oqaaseqartartoq oqarpoq.

Eu-p naalagaaffiisa siuttui ataatsimeeqatigiissapput eu-p naalagaaffiisa siuttui ataatsimeeqatigiissapput bruxellesimi oktobarip 23-ani 24-anilu. Tassani pilersaarut akuersissutigineqarsinnaavoq.