Trumpip Kalaallit Nunaannut immikkut aallartitaa, Louisianami guvernøri Jeff Landry, USA-mut uteqqilluni Nuummi qanittukkut misigisani pillugit Fox Newsimiit apersorneqarpoq.
- Angalanera nuannerluinnarpoq. Inuppassuit assigiinngitsut naapippakka, aqqusinermi oqaloqateqarpunga, angerlarsimaffiinut pulaarninni Inuit kultuiat Louisianami Cajunit kulturiannut assigiissuteqarluinnartut paasivara.
Trumpip Kalaallit Nunaannut immikkut aallartitaa, Louisianami guvernøri Jeff Landry, USA-mut uteqqilluni Nuummi qanittukkut misigisani pillugit Fox Newsimiit apersorneqarpoq.
- Angalanera nuannerluinnarpoq. Inuppassuit assigiinngitsut naapippakka, aqqusinermi oqaloqateqarpunga, angerlarsimaffiinut pulaarninni Inuit kultuiat Louisianami Cajunit kulturiannut assigiissuteqarluinnartut paasivara.
– Inuit taakku nammineersinnaapput. Pinngortitamik inuussuteqarput. Avatangiisini peqqarniissinnaasuni inuupput. Aalisartuupput piniartuullutillu. USA-lu asavaat tikulluaqqullugulu. Taamaattumik tusagassiuutitigut saqqummiunneqartut illuatungerluinnaanik Amerikamiut Kalaallit Nunaanni iliuuseqarnerunissaannik pingaartitsillutillu kissaateqarput, Jeff Landry ilanngutassiami maajip 22-ani aallakaatinneqartumi oqarpoq.
Pinngortitap pisuussutai atorluarneqanngitsut
Jeff Landry Amerikamiut soqutigisaat nunarsuarmi politikkimut tunngaannanngillat, aammali pinngortitap pisuussutaasa atorluarneqanngitsut atorlugit USA-p præsidentillu Trumpip Kalaallit Nunaata ineriartortinnissaanut ikiuussinnaaneranut aamma tunngavoq.
– Pisuunngussaput, soorlu Louisianap USA-llu uuliamik gas-imillu pisuussutinik pissarsisimanerattut. Præsidenti isumaqatigiissusiorusuppoq, Kalaallit Nunaatalu isumaqatigiissusiortoqarnissaa pisariaqartippaa. Kalaallit Nunaat uulianik nappartanik 2 millioninik ullormut avammut tunisassiorsinnaavoq, Jeff Landry oqarpoq, nangipporlu:
Trumpip Kalaallit Nunaannut immikkut aallartitaa, Louisianami guvernøri Jeff Landry, Nuummut sapaatip-akunnerata siuliani sapaammiit pingasunngornermut tikeraarpoq. Nulia Sharon tikaraaqataasut ilagaat.
Assi: Trine Juncher Jørgensen
- Eqqarsaatigeriaruk tamanna qanoq kinguneqassanersoq, Hormusip kangerliumarngani tatineqarunnaarnissaq qanoq kinguneqassanersoq, nunanut kitaanut Amerikamullu qanoq sunniuteqassasoq, maannakkullu Europamut qanoq iluaqutaatigissanersoq.
Jeff Landry Kalaallit Nunaanni uuliasiorneq qaammatit qulit ingerlaneranni aallartissinnaassasoq oqarpoq, tamannalu Kalaallit Nunaata nunarsuarmi tusaamaneqarlualerneranik kinguneqassalluni.
Danmarkimit tatineqarneq
Kalaallit Nunaanni, Europap avannaani NATO-milu politikkikkut siuttut Trumpip Kalaallit Nunaannut tunngatillugu isumassarsiaanik tapersersuilersimanersut Fox News-imi saqqummiisup naggataatigut aperaa.
Jeff Landry USA-p tatineqarnerpaanera Kalaallit Nunaannit pinnani Danmarkimeersuusoq isumaqarluni akivoq.
– Ilumoorlunga oqassaguma akerlilersuinerit amerlanersaat kalaallinit pinnani qallunaanit pisut isumaqarpunga, tamannalu ernumanarlunilu pakatsinarpoq. Taamaammat isumaqatiginninniartussanngoraluartut isumaqatigiissusiorlutillu isumaqarpunga.
– Kalaallit Nunaanni ajornartorsiutit ilaat tassaavoq innuttaasut affaat pisortani suliffeqarnerat, USA-mullu tapersersuiguit suliffit annaassavat. Illoqarfimmut allamukarluni biilerluni suliffissarsiortoqarsinnaanngilaq, illoqarfiimmi tamarmik qeqertatut ipput, Jeff Landry oqarpoq. Ulluni pingasuni Nuummiinnini paasisaqarfioqisoq, isumaqatigiissusiortoqarsinnaasorlu isumaqarluni naggataatigut oqarpoq.
