IA-ILULISSAT
Grønlandsbankenip kiffartuussinermut akiliutigitittagai avoqqaarineqarput
Inuit Ataqatigiit ileqquusumik ataatsimeersuassapput juulip 20-anni 21-annilu. Tassunga atatillugu immikkoortortaqarfiit siunnersuutaat nassiussuunneqareerput. Ilulissani immikkoortortaqarfik apeqqutinik arlalinnik oqaluuserisassanngortitsivoq, taakkulu partiip isummersuutigisariaqarai immikkoortortaqarfik piumasaqarpoq. Tassunga atatillugu apeqqusersukkanut ilaavoq Grønlandsbanken.
Leiff Josefsen
-Akissaatikinnernut atuagassaritaaasut aningaaserivinni killersorneqarne-
rujussuat aamma “gebyr”-inut eqqugaanerlunnerat ingerlaannassappat?
Taamak apeqquteqarpoq Lis Møller IA-meersoq Ilulissani Inuit Ataqatigiit immikkoortortaqarfia sinnerlugu.
Taanna pisortat piginneqataaffigisaasa ilaanni Grønlandsbankenimi innuttaasunut
sullissinneranni akissaatikinnerusunut annertuumik eqquinerlorujussuartoqarsimaneraavoq:
- Nunaqqaterpassuagut “Akiliut” -taannarmik pigisaqartut, taakkukkajupput
akissaatikinnerpaat, siusinaartumik tigusartagallit allamilluunniit peqquteqarlutik sulisinnaajunnaarsimasut. Grønlandsbankip tigusinerni “gebyr” januar 2024 qaffarujussuarpaa.
Eqqugaarnersaapput akissaatikkinerit, taanna siunnersuummini ilaatigut tunngavilersuivoq
- Akiliutip atorneqarsinnaassusia niuertarfinni killilersugaavoq, soorlu assersuutigalugu aningaasat ikineqarsinnaanngillat pisiniarnerup akiata iluani, tamanna kisimi atuuppoq Master Card / Dankort il.il.
Tamarmik Dankortimik tunineqarsinnaanngillat, tassami Kalaallit Nunaanni Banki ataasiakkaat aningaasaateqarnerannik nalilersuisarpoq. Kisianni inuit isertitaqarluartut Dankortimik tunineqarsinnaapput, Lis Møller oqarpoq.
Suli amerlasuut MitId-qanngitsut
Lis Møller erseqqissaavoq suli innuttaasut amerlasuut MitId-qanngitsut:
- Taakkuppullu akissaatikinnerpaatut
angerlasimaffeqanngittullu inissisimasut. Kingunerisarpaa pisortaqarfinni pisariusumik kingaannerusumillu sullinneqarsinnaanerat.
- Piumasaqaataavoq Mitid-qarnissaq. Mitid-qarniaraanni internettimut atta-
veqarnissaq pisariaqarpoq. Amerlaqaat internettimut attaveqarnissaminnut
akissaqanngittut, IA-Ilulissanit siunnersuummi erseqqissaatigineqarpoq.
Lis Møller aamma erseqqissaavoq digitalikkut ineriartorneq annertuumik isertitakinnerusunik eqquisoq, aamma apeqquserlugu qanoq ililluni inuiaqatigiit aningaasaqarnikkut sanngiinnerusumik inissisimasut pisortanit kiffartuunneqartarnersut digitalikkut ineriartornermi.
IA-p ataatsimeersuarnera 2024 pillugu paasissutissat UANI qimerloorsinnaavatit.
