KL

DK

Jens-Frederik: Aasaanerani nalunaaqutaq siunissami qaninnermi allanngortinneqassanngilaq

Aasaanerani nalunaaqutaq pillugu malittarisassaliornissaq maannakkut Naalakkersuisunit aalajangiiffigineqassaaq. Aallaqqaammulli nalunaaquttap ingerlaaqatigiiffiata UTC-3-mut utertinneqarnissaa ukkatarineqassaaq, siulittaasoq oqarpoq.

Jens-Frederik Nielsenip nalunaaquttap ingerlaaqatigiiffiata allanngortinneqarnerata kingunerisa erseqqissarnissaat qulakkeerpaa. Inatsisartulli aalajangiinerat ataqqivaa.
Hanna Hviid Hanna Hviid Tusagassiortoq
Saqqummersinneqarpoq

Nalunaaqutap ingerlaaqatigiinnera UTC-3 2027-mi oktobarimiit atulersinnaalissagipput Inatsisartut ullumikkut aalajangerput.

Naalakkersuisut siulittaasuata Jens-Frederik Nielsenip (D) nalunaaquttap ingerlaaqatigiinnerata kinguartinneqarnerata kingunipilui arlaleriarluni – aamma ullumikkut oqallinnermi – saqqummiuttarpai.

Nalunaaqutap ingerlaaqatigiinnera UTC-3 2027-mi oktobarimiit atulersinnaalissagipput Inatsisartut ullumikkut aalajangerput.

Naalakkersuisut siulittaasuata Jens-Frederik Nielsenip (D) nalunaaquttap ingerlaaqatigiinnerata kinguartinneqarnerata kingunipilui arlaleriarluni – aamma ullumikkut oqallinnermi – saqqummiuttarpai.

Nunatta niuernikkut suleqatigisartagaasa pingaarnersaat Europamiipput, suleqatigiinnerillu taakku akisunerulernissaat attatiinnarnissaasalu ajornakusoornerulernissaa allannguutissamut siunnersuutip kingunerissavaa. Nalunaaquttap ingerlaaqatigiinneranik allanngortitsineq aningaasanut inatsimmut ukiumut 19 millionit koruunit missaannik naleqartussanngorlugu ataavartumik ajoqusiissasoq Aningaasaqarnermut Naalakkersuisoqarfiup siornatigut missingersimavaa. Tamatuma saniatigut Europamut timmisartukkut attaveqarnerup ajorseriarnissaa nalunaaquttap ingerlaaqatigiinneranik allanngortitsinerup kingunerissavaa.

Jens-Frederik Nielsen Inatsisartut aalajangiinerat pillugu qanoq isumaqarnersoq Sermitsiap apersorpaa.

- Aalajangiinerup qanoq kinguneqarsinnaanera nassuiartariaqaripput isumaqarpunga.

- Soorunamili inatsisartut aalajangiinerat ataqqigipput erseqqissaatigissavara, amerlanerussuteqartullu aalajangiineq taamaaginnassasoq ullumikkut aalajangerput. Tamannalu naalakkersuisutut soorunami suliarissavarput, Jens-Frederik Nielsen oqarpoq.

Qanoq isumaqarpa?

Inatsisartut Kalaallit Nunaanni nalunaaqutaq 2027-mi oktobarip 31-at aallarnerfigalugu UTC-3-mut utertinneqassasoq 2026-mi ukiakkut ataatsimiinnerminni aalajangerput.

Oktobarip 31-ani aasaanerani nalunaaquttamut utissaagut. Tassani nalunaaqutaq nalinginnaasumik akunnermik ataatsimik kinguartittussaagaluarparput. Aappaaguli nalunaaqutaq akunnernik marlunnik kinguartissavarput, taamaalilluta nalunaaquttap ingerlaaqatigiinnera UTC-2-mit UTC-3-mut nuutsissavarput.

Tamanna unnuap qeqqanut pissaaq.

Taamaalilluni nalunaaquttap-akunnera ataaseq sioqqullugu ullaanngortalissallunilu seqineq maannamut naleqqiullugu nalunaaquttap-akunnera ataaseq sioqqullugu tarrittalissaaq.

Aamma aappaagu oktobarimiit Danmarkimut nalunaaquttap-akunnerinik sisamanik nikingalissaaq.

EU utaqqineqassasoq

Siumup inatsisissatut siunnersuutaani siullermi aasaanerani nalunaaqutaq aamma atorunnaarsinniarneqarsimavoq. Naalakkersuisulli aasaanerani nalunaaqutaq pillugu malittarisassaliorsinnaatitaalissasut ullumikkut aalajangerneqarpoq.

Inatsisilli pillugit ataatsimiititaliap aasaaneranili nalunaaquttap EU-mit atorunnaarsinneqarnissaa utaqqineqassasoq inassutigaa, taamaanngippat aasaanerani nalunaaquttap akunnera suli qaavatigut ataaseq nikingassutaalissaaq.

Jens-Frederik Nielsenip aasaanerani nalunaaquttamik allanngortitsinissamut aamma pilersaaruteqanngikkallarpoq.

- Siullermik oktobarimi UTC-3-mut nuunnissamik aalajangerneq naammassissavarput. Aasaanerani nalunaaqutaq pillugu apeqqut ataatsimiititaliap pissutsit eqqarsaatigeqqissaartariaqaratsigit EU-p utaqqinissaa pisariaqarmat aamma oqaaseqarfigissavaa. Suliamut tamatumunnga tunngatillugu, tamanna nallerpat, soorunami Inatsisartut aamma peqataatissavakka.

- Siunissamili qanittumi aasaanerani nalunaaqutaq allanngortinnagu UTC-3 atorneqassaaq.

Sumiiffinni aalajangersimasuni, soorlu Ittoqqortoormiini, UTC-1-imik nalunaaqutaqarfiusumi, piffissamik allamik atuinissaq eqqarsaatigiuarneqassasoq siulittaasoq oqarpoq.

Nalunaaqutaq UTC-3-mit UTC-2-mut nuunneqarumaartoq 2022-mi aalajangerneqarpoq. Nalunaaquttap ingerlaaqatigiinnera maanna siulianut utertinneqassasoq Inatsisartut ullumikkut aalajangerput.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

aasaanerani nalunaaqutaq utc-3 nalunaaquttap ingerlaaqatigiinnera inatsisartut jens-frederik nielsen inuiaqatigiit

Atorfiit tamaasa takukkit

PODCASTI

Powered by Labrador CMS