Hans Enoksenip Nuummi naggammik qaniorneqarnera
Inatsisartut, Naalakkersuisut, partiimi ilaasortat, Kalaallit Nunaat pisortatigoortoq, innuttaasut minnerunngitsumillu Hans Enoksenip ilaqutai qanigisaallu malinnaapput Hans Enoksenip naggammik angalanerani najuupput. Unnugu nal. 20:00 ilerra nunaqarfimmut asasaanut Itillimut aallarunneqassaaq, tassanilu sapaatiuppat ilisaassaaq. Sermitsiaq malinnaavoq politikerip nuannarineqaqisup Enoksenip naggammik Nuummi qaniorneqarnerani.
Hans Egedep Oqaluffia ulikkaavippoq tallimanngornermi ualikkut Hans Enoksenip oqaluffimmi naalagiutigineqarnerani.
Assiliisoq: Jensine Berthelsen
Tallimanngornermi ullaap tungaa Inatsisartuni eqqaaniaalluni oqaaseqarnernik aallartippoq. Inatsisartut, Naalakkersuisut aammalu najuuttut tamarmik allaanerusumik misigisaqarput.
Tassami ukiut 30-nit amerlanerusuni Inatsisartuni ilaasortaq, Hans Enoksen toqukkut qimaguteqqammerpoq, tamannalu nipaallisimanermik, eqqaaniaalluni ilaqutaanullu misiginneqataalluni oqaasissat aninneqarput aammalu nunaqarfimmi inuunermut tunngasumik erinarsuummik killitsinnartumik "Nunaqarfiga seqinnarimmi"-mik erinarsortoqarluni.
Johannes Berthelsen aamma Pipaluk Lynge Berthelsen "Nunaqarfiga seqinnarimmi" atorlugu erinarsorput. Erinarsuut taanna nunaqarfimmiup Hans Enoksenip nuannarinerpaasaanut ilaavoq.
Assiliisoq: Oscar Scott Carl
Qullilinngitsoorneq ajornarpoq. Aqqaluaq Biilmann Egede, Enoksenip immikkuullarissumik ikinngutaa, assut attortisimavoq.
Assiliisoq: Oscar Scott Carl
Katersuinerup kingorna Hans Enoksenip oqaluffimmi naalagiartitsinera ingerlanneqarpoq.
Assiliisoq: Oline Inuusuttoq Olsen
Enoksenimut kingullerpaamik inuulluaqqusisut amerlasuut ilagaat Politidirektøri Bjørn Tegner Bay.
Assiliisoq: Oline Inuusuttoq Olsen
Oqaluffimmi naalagiartitsinerup kingorna partiiqatit Aki-Matilda Høegh-Dam aamma qatanngutaa Qarsoq Høegh Dam Enoksenip sanningasua oqaluffimmit annikkiartorpaat.
Assiliisoq: Jensine Berthelsen
Hans Enoksenip illerfia ilisinermi biilimut ikineqarpoq umiarsuarlivimmullu ingerlanneqassalluni.
Assiliisoq: Jensine Berthelsen
Inatsisartut siulittaasuat Kim Kielsen aamma Naalakkersuisut ilaasortaat Aqqaluaq Biilmann Egede ukiorpassuarni ikinngutiminnik annaaqartut imminnut tuppallersarput.
Assiliisoq: Jensine Berthelsen
Ilisinermi biili piareerpoq Hans Enoksen naggammik Nuummi angallatissallugu
Assiliisoq: Jensine Berthelsen
Ilisinermi biilip Hans Enoksen umiarsualiviliaappaa
Assiliisoq: Jensine Berthelsen
Umiarsualivimmi Hans Enoksenip illerfia umiarsuarmut ikineqarpoq tassanngalu Enoksen, qanigisai kiisalu politikkikkut suleqatai arlallit Itillimukaanneqassapput.
Assiliisoq: Oline Inuusuttoq Olsen
Umiarsualivimmi Hans Enoksenip illerfia umiarsuarmut ikineqarpoq tassanngalu Enoksen, qanigisai kiisalu politikkikkut suleqatai arlallit Itillimukaanneqassapput.
Assiliisoq: Oscar Scott Carl
Umiarsualivimmi Hans Enoksenip illerfia umiarsuarmut ikineqarpoq tassanngalu Enoksen, qanigisai kiisalu politikkikkut suleqatai arlallit Itillimukaanneqassapput.
Assiliisoq: Oline Inuusuttoq Olsen
Hans Enoksen Itillimi sapaammi septembarip 21-ani nalunaaqutaq 14:00 ilisaassaaq.
