Hashimik eqqusseriartumut qaammatini arfineq-marlunni erngertumik pineqaatissiisoqartoq
Nakuusernerit hashimillu eqqusseriaraluartumik erngertumik pineqaatissiineq politiit ullormut nalunaarusiaanni atuarneqarsinnaapput.
Assiliisoq: Oscar Scott Carl
Ilulissani hashimik anngiortumik eqqusseriaraluartoq mittarfimmi ilanngaaserisut qimmiisa paasivaat. Marlunngormat taama pisoqarpoq.
Politiini pigaartut pisortaata Aputsiaq Hansenip Sermitsiamut oqaluttuaraa.
Timmisartumut ilaasut ilaata nassataani hashi annertooq nassaarineqarmat tigusarineqarpoq, pigaartut pisortaat oqarpoq.
Hashi qanoq annertutiginersoq tiguneqarsimasoq oqaatigisinnaanngilaq, eqqusseriaraluartorli unnerluutigineqarpoq ingerlaannarlu qaammatini arfineq-marlunni pineqaatissinneqarsimasunut inissiisarfimmiittussanngortinneqarluni. Pineqaatissinneqartoq piffissami ingasinnerusumi paarnaarunneqartussanngorlugu eqqartuussaareernermi kingorna iperangaavoq.
Kangaatsiami nakuusertoqartoq
Nakuusernerit arlallit pisimasut politiit pigaartuisa pisortaata oqaatigaa. Nakuusernerit ilaat Kangaatsiami pisoq misissorneqarpoq.
Pisoq pingasunngornermi nalunaaqutaq 13.13 nalunaarutigineqarpoq, tassanilu inuk puussimasoq allap niuanik kiisisimanera unnerluutigineqarpoq.
Iganermini sinilertoq
Tasiilami sapaatip-akunnerata naanerani pisumut politiit pingasunngormat suliamik aallartitsipput.
Suliami tassani angut aalakoorluni iganermini sinilersimanera inatsisinik unioqqutitsinertut unnerluutigineqarpoq.
Pisumi ikuallattoqalersimasinnaagaluarpoq, taamaattumillu navianartorsiortitsisoqarluni, pigaartut pisortaat oqarpoq.
