Ikiueqqaarnermi ilitsersuisut aqqaneq-marluk nutaat
Kalaallit Røde Korsiat ikiueqqaarnermut pikkorissartitsivoq, maannalu ikiueqqaarnermi ilitsersuisut nutaat aqqaneq-marluk inuunermik annaassiniarsinnaanermut ilisimasaminnillu allanut ingerlatitseqqiisinnaanermut pikkorissartinneqarput.
Ikiueqqaarnermik ilitsersuisunngorlaat Kalaallit Røde Korsianni pikkorissarsimasut.
Assiliisoq: Kalaallit Røde Korsiat
Marsimi Kalaallit Røde Korsiat ikiueqqaarnermut pikkorissaanermik neqerooruteqarpoq, unalu apeqqutigineqarpoq: „Inuunermik navianartorsiortoqarpat, nalunngiliuk qanoq iliussallutit?”
Inuit aqqaneq-marluk unammillernartumut tamatumunnga piareersimasimapput.
Ajortumik pisoqartillugu "inunnik ikiuiniarnermi inersimasut tamarmiusinnaasut ikiueqqaarnermi ilisimasaqarnissaat qanoq iliuuseqarnissamulluunniit piareersimanissaat" Kalaallit Røde Korsiata takorluugaraa. Tamanna tusagassiuutinut nalunaarummi allassimavoq.
Tunniutiinnarnianngitsoq
- Maanna Kalaallit pikkorissaasunik 12-nik amerliallapput. – Inuunermik annaassinissaq aammalu piareersimanissaq pingaarnertut pikkorisartunut ingerlateqqittussatut siunertaavoq. Kalaallit Røde Korsiatalu tamanna tunniutiinnarfiginavianngilaa. Kalaallit Røde Korsiani ilitsersuisut nunatsinni, Danmarkimi aammalu Europami naleqqatigalugit ilinniarneq akuerineqarpoq, Kalaallit Røde Korsiat ilisimatitsivoq, taassumalu Kalaallit Nunaanni maanna ikiueqqaarnermi ilitsersuisut 79-inngornerarpai.
Inuit quliusuni qulingiluat ikiorneqarnissamik pisariaqartitsilersinnaasartut, amerlanertigullu ilisarisimaq ikiugassaasartoq, ilisimatitsissutaavoq.
Ikiueqqaarnermi ilitsersuisunngortut tassaapput:
- Inooraq Lange – Narsaq,
- Pitsi Ottosen - Nuuk,
- Merethe Andersen – Ilulissat,
- Akisooq Geisler Skifte – Nuuk,
- Jakob Fleischer – Nuuk,
- Betina Larsen Petersen – Nuuk,
- Dorthe Reimer Andersen – Nuuk,
- Bjarne Markussen – Upernavik,
- Marie Kristine Leibhardt – Nuuk,
- Liv Mejer Larsen – Nuuk,
- Ane Carla Møller – Nuuk,
- Pilunnguaq Egede – Nuuk.
