Apriilip aallaqqaataani kommuninut nunaqarfinnilu
aqutsisunut qinersilerutta ilagiit sinnisaannut aamma taasisussaavugut.
Kommuneqarfik Sermersuumili ilagiit sinniisaannut ilaasortanngorusullutik ima
ikitsigaat ullormi qinersivimmi ilagiit sinniisaannut taasisoqartariaqarani.
Apriilip aallaqqaataani kommuninut nunaqarfinnilu
aqutsisunut qinersilerutta ilagiit sinnisaannut aamma taasisussaavugut.
Kommuneqarfik Sermersuumili ilagiit sinniisaannut ilaasortanngorusullutik ima
ikitsigaat ullormi qinersivimmi ilagiit sinniisaannut taasisoqartariaqarani.
llagiit sinniisaanni ilaasortat 13-iusarput, Nuummili qineqqusaartut sisamaannaapput.
Nuummi, 20.000-ngajannik innuttaasoqartumi ilagiit
sinniisaannut ilaasortanngorusullutik sassartut sisamaasut ilagaat 69-inik
ukiulik Ingrid Inûsugtok. Taanna qinigaaffiit arlariit ilagiit
sinniisaasareerpoq, sassartullu aatsaat taama ikitsigineri paasigamiuk
nakeriallaatigaa.
- Tupappunga, taavalu annerlunga, Ingrid Inûsugtok taama
oqarpoq.
Ilagiit sinniisaannut sassartut nalinginnaasumik
amerlassusissaraluannit pingajorarterutaannilluunniit ikinnerummata, qinersineq
qaangiussimalerpat kikkullu qinigaasinnaanerat aalajangiiffigineqareerpat
ilagiit sinniisaannut ilaasortanngortut naammaqqutissaminnik
ilassarsiortariaqassapput.
- Soorunami eqqarsarnalaarpoq. Kisianni uanga
nikalluinnarnavianngilanga, Ingrid Inûsugtok taama oqarpoq.
Ingrid Inûsugtok Sermitsiami podcastimiit naapipparput.
Ilagiit sinniisaannut soqutiginninnerup appariarsimanera sumik peqquteqarnersoq
ilaatigut tusarniarparput, aamma qanoq iliornikkut soqutiginnittut
amerlisinneqarsinnaanerat paasiniaaffigalugu.
Podcast tamakkiisoq uuma ataani tusarnaarsinnaavat.
