Lumina
Sustainable Materials A/S – siornatigut Hudson Greenlandiusimasoq – maanna
qinnuteqarfigineqarnissaminut ammasumik ilinniartitaanermut
aningaasaateqarfeqarpoq.
Innuttaasut ilinniarfiillu suliniutinut
ilinniartitsinernullu ilinniarsimanngitsut ilinniarsimasullu
aatsitassarsiornermi suliffissaqarnissaannut pitsanngorsaatinut
taperneqarnissaminnut qinnuteqarsinnaapput – matumani Luminap nammineq
Qaqortorsuarmi (White Mountain) aatsitassarsiornermi suliniutaa immikkut
ukkatarineqarpoq.
Lumina
Sustainable Materials A/S – siornatigut Hudson Greenlandiusimasoq – maanna
qinnuteqarfigineqarnissaminut ammasumik ilinniartitaanermut
aningaasaateqarfeqarpoq.
Innuttaasut ilinniarfiillu suliniutinut
ilinniartitsinernullu ilinniarsimanngitsut ilinniarsimasullu
aatsitassarsiornermi suliffissaqarnissaannut pitsanngorsaatinut
taperneqarnissaminnut qinnuteqarsinnaapput – matumani Luminap nammineq
Qaqortorsuarmi (White Mountain) aatsitassarsiornermi suliniutaa immikkut
ukkatarineqarpoq.
Pikkorissarnerit
ilinniartitsinerillu
Innuttaasut assersuutigalugu pikkorissarnernut aatsitassarsiorluni sulinermi
piginnaanngorsarnermut tuluttulluunniit oqaatsinik pikkorissarnernut
tapertinnissamut qinnuteqarsinnaapput. Aammattaaq nunani allani
aatsitassarsiorneq piiaanerlu ukkataralugit suliffimmik misiliinermut
tapertinnissamut qinnuteqartoqarsinnaavoq.
Ilinniarfiit
assersuutigalugu piianermik aatsitassarsiornermillu ilinniartitsinernut
nutaanut imaluunniit inuusuttut piiaaffinni periarfissaat pillugit
paasisitsiniaanermut tapertinnissaminnut qinnuteqarsinnaapput. Aammattaaq
Qaqortorsuarmi suliaqartunit saqqummiinertalimmik paasisassarsiornissamut
qinnuteqartoqarsinnaavoq.
500.000 sinnerlugit tunniunneqartut
Maannamut ilinniartitaanermut aniingaasaateqarfiup kontoaniit
aningaasaliissutinik sisamariarluni agguaasoqareerpoq. Konto
aatsitassarsiornermut ingerlatsiviup, kommunep namminersorlutillu oqartussat
2015-imi Impact Benefit Agreementimik (IBA, pitsaasumik sunniuteqarnissamut
isumaqatigiissut, aaqq.) isumaqatigiissuteqarnerannut atatillugu
pilersinneqarpoq.
- IBA-mik isumaqatigiissuteqartut (Lumina Sustainable Materials A/S, Qeqqata
Kommunia aamma Naalakkersuisut) qinnuteqaatinut assigiinngitsunut katillugit
519.407 koruunit tunniunneqassasut akuerivaat, Aatsitassanik aqutsisoqarfimmi
siunnersortaaneq Rasmus John Franklin Lindholm Sermitsiamut allappoq.
Aningaasaliissutinik tunniussinissamut akuersissutit amerlanerpaat KTI
aatsitassarsiornermut atuarfimmiit tinnuteqaatinut Sisimiuniittumut
tunniunneqarput. KTI Aatsitassarsiornermut atuarfik ilaatigut sulianut atatillugu
Luminap suliniuteqarfianut angalanermut aningaasartuutit matussusernissaannut
qinnuteqarpoq.
Aningaasaatit
330.000-iusut
”Maanna ilinniartitaanermut kontomi uninngasut 330.000 koruunit missaanniipput,
taakkulu IBA-mik isumaqatigiissusiortut suut taperserumaneraat apeqqutaatillugu
ukioq manna qinnuteqartunut agguaanneqarsinnaapput”, Rasmus John Franklin
Lindholm allappoq.
Lumina
Sustainable Materials Qaqortorsuup eqqaani suliniuteqarfimmi ukiuni 50-ini
anorthositimik piiaanissamut 2019-imi akuerisaavoq. Ingerlatseqatigiiffik
kingorna piiaavimmi suliaqarfiliorlunilu attaveqaasersuusiorpoq, avammulli
tunisaqarnissap aallartisarniarneranik unammillernartoqarpoq. Taakku
tunisassiamik atuinissamut periarfissat nutaat siunertaralugit misilittaanermik
misissuinermillu ukiuni kingullerni ukkataqarput.
Anorthosit annermik
glasfiberiliornermi, qalipaasiornermi pappialaliornermilu atorneqartarpoq, aammali
CO2-mik aniatitsinikinnerusumik cementiliornermi aluminiumiliornermilu
atorneqarsinnaavoq.
Aatsitassanut
aqutsisoqarfimmut qinnuteqaaammik tunniussinissamut piffisarititaasutut
killiliussaq tassaavoq 2024-mi oktobarip 15-iat.
