Silarsuarmi tamarmi miluumasut angisuut immamiittut pisarineqartarnerat isumakuluutigineqangaaraluartoq, nunat killerniittut amerlanersaanni, ingammik EU-mi, arfernik aqutsineq avatangiisinik illersuinermut uumasullu pisinnaatitaaffiinut assersuunneqartoq ilisimatooq Takahashi oqarpoq.
Aqutsinerli piujuartitsisumik atuinermik isumaqartoq nunat soorlu Kalaallit Nunaat, Japan, Norge Savalimmiullu isumaqartarput. Kalaallit Nunaata aaffattani ilisimaneqartutuut pisassiissutit (ASW – Aboriginal Subsistence Whaling), IWC-mit akuerineqartut ukiunilu arlalinni atuuttut aalajangersakkat naapertorlugit pisarisarpai.
Silarsuarmi tamarmi miluumasut angisuut immamiittut pisarineqartarnerat isumakuluutigineqangaaraluartoq, nunat killerniittut amerlanersaanni, ingammik EU-mi, arfernik aqutsineq avatangiisinik illersuinermut uumasullu pisinnaatitaaffiinut assersuunneqartoq ilisimatooq Takahashi oqarpoq.
Aqutsinerli piujuartitsisumik atuinermik isumaqartoq nunat soorlu Kalaallit Nunaat, Japan, Norge Savalimmiullu isumaqartarput. Kalaallit Nunaata aaffattani ilisimaneqartutuut pisassiissutit (ASW – Aboriginal Subsistence Whaling), IWC-mit akuerineqartut ukiunilu arlalinni atuuttut aalajangersakkat naapertorlugit pisarisarpai.
DIIS-imi ilisimatusartoq Minori Takahashi.
Assiliisoq DIIS
Minori Takahaship Japanip arfernik illersuilluni akerliussutsimik takutitsisup Paul Watsonip tunniunneqarnissaanik piumasaqarneranut atatillugu allakkamini Japanimi ullutsinni niuerutissatut arfanniarnermut tunngasut assigiinngitsut allaaserai.
Japanip aaffanniarneq ukiut siuliini ilisimatusarnermi akuersissutit naapertorlugit ingerlasimasoq aallarteqqinniarlugu Nunat Tamalaat Arfanniarnermut Ataatsimiititaliarsuannit (IWC) anisimasoq ilisimatuup ilaatigut allaaseraa. Japanip IWC-mit anineranut pissutaasut arlaliupput, ilaatigut Naalagaaffiit Peqatigiit Nunat Tamalaat Eqqartuussivianni Haagimiittumi 2014-imi aalajangerneq, Japanimi ilisimatusarneq arfanniarnermut tunngatillugu ilisimatusarnermut taamaattumut piumasaqaatinik naammassinninnginnermik naqissusiisoq.
Piumaneqarnera annikilliartortoq
Japanimi oqartussat naapertorlugit arfanniarneq kulturikkut oqaluttuarisaanermut kiisalu ilisimatusarnermut pingaaruteqarpoq.
“Ilisimatuulli arfanniarnerup pisariaqartinneqarnera imaluunniit arfanniartarneq Japanimi kulturimit aallaaveqarnersoq isumaqatigiinngissutigaat,” Minori Takahashi allappoq.
Japanip Paul Watsonip tunniunnissaanik piumasaqaateqarnera ilisimaneqartutut 2010-mi pisumit tunngaveqarpoq, taamani Watsonip taassumalu peqatigiiffiani Sea Shepherdimi ilaasortat Japanimiut arfanniutaallu aporaapput. 2010-mili Watsonip iliuuseqarneranik isornartorsiuineq akerlilersuinerlu Japanimi inuiaqatigiinnit konservativinit aallaaveqarluarpoq, innuttaasunit pinnani, ilisimatooq oqarpoq.
Japanimiut arferit neqaannik atuinerat 1980-ikkunniilli annikilliartorsimasoq, 1960-ikkunnilu annertunerpaaffianit maanna 1 procentinnarmik annertussuseqartoq Minori Takahashi oqarpoq.
Taamaakkaluartoq Japanip arfattassani ukioq manna maajimi qaffallugillu uumasut pisarineqarsinnaasutut akuerisaasunut tassaasut tikaagulliusaarnat, tikaagulliit, arferillu ilaat brydeshvalit tikaagulliusaanik ilavai. Aammattaaq Japanimi umiarsuaq arfanniut nutaanerpaaq Kangei Maru ukioq manna atulerpoq. Taanna 9.300 tonsinik oqimaassuseqarlunilu sananera 330 millionit koruuninik akeqarpoq.
