USA-mi marlunngornermi præsidentimut qinersineq ingerlanneqaleruttorpoq, qinersinerli Kalaallit Nunaannut qanoq kinguneqarsinnaava?
DIIS-imi ilisimatusartuuneq Ulrik Pram Gad Issittumi isumannaallisaanermut politikkimik suliaqarpoq, taannalu isumaqarpoq Amerikamiut Kalaallit Nunaannut tunngatillugu isumannaallisaanissaq pingaarnerpaatittuassagaat, kinaluunniit qinerneqaraluarpat:
USA-mi marlunngornermi præsidentimut qinersineq ingerlanneqaleruttorpoq, qinersinerli Kalaallit Nunaannut qanoq kinguneqarsinnaava?
DIIS-imi ilisimatusartuuneq Ulrik Pram Gad Issittumi isumannaallisaanermut politikkimik suliaqarpoq, taannalu isumaqarpoq Amerikamiut Kalaallit Nunaannut tunngatillugu isumannaallisaanissaq pingaarnerpaatittuassagaat, kinaluunniit qinerneqaraluarpat:
- Kinaluunniit ajugaassagaluarpat naalagaaffiit pissaanilissuit akeqqersimaartut Kalaallit Nunaanni sunniuteqarpallaannginnissaat USA-mut pingaarnerpaavoq - pingaarnertullu tulliulluni Kalaallit Nunaata qulaani silaannakkut imartakkullu nakkutilliinermik USA-p attassiinnarnissaa pitsanngorsaanissaalu, Amerikap Avannaanut ingerlaartut ajortut nakkutigisinnaajumallugit, Ulrik Pram Gad Sermitsiamut naliliivoq.
Ilisimatusartuuneq misissueqqissaarnermini nangilluni allappoq Kamala Harris ajugaappat Bidenip aqutsineranik ingerlatitseqqissasoq:
- Inussiarnersumik tatisinissamik tamanna isumaqarpoq, suleqatigisat ( tassani Danmark ilanngullugu) eqqarsaatigalugit, Ulrik Pram Gad allappoq.
Trump pituttorsimanngitsumik isumaqatiginninniarsinnaavoq
Donald Trump qinersinermi ajugaappat allaanerulluinnassaaq, tassanilu tamanna Kalaallit Nunaannut qanoq kinguneqarumaarnersoq ilisimatusartup oqaatigiuminaatsinneruaa.
Issittorli Trumpip pingaarnerpaatinngikkaa naliliivoq, Kalaallit Nunaalli qanoq iliuuseqarfigineqassanersoq Trumpip aqutsinerani kikkut atorfinitsinneqarnissaat apeqqutaasinnaanerarpaa:
- Trumpip qanoq iliuuseqarumaarnera kialuunniit naluaa - iliuusaali soqutigittaatsuusinnaapput.
- Kalaallit Nunaat Danmarkiluunniit eqqugaassanersut ilisimaneqanngilaq. Kalaallit Nunaat eqqugaappat, immaqa politikkikkut aaqqissuussaanikkut pituttorsimanngitsumik isumaqatigiissuteqarnissamik siunnersuummut ingerlaartoqassaaq. Tamannali politikkikkut sulisut sorliit aaqqissuussaanermi sumi inississimanissaat apeqqutaalluinnarpoq, ilisimatusartuuneq naliliivoq.
