Imigassartorsimallutik biilertut pingasut tigusarineqarput

Nuummi politiit imigassartorsimallutik biilertut pingasut sapaatip unnuaani unitsippaat.

Politi

Illoqarfiit pingaarnersaanni biilertut pingasut sapaatip unnuaani qanoq imigassartorsimatiginersut uuttortarneqaramik imigassartorpallaarsimasut paasineqarput.

Biilertut taakku pingasut tamarmik innuttaasunit eqqumaffiginnittunit nalunaarutiginninnerit tunngavigalugit unitsinneqartut Kalaallit Nunaanni Politiineersoq Anette Ostenfeldt Sermitsiamut oqaluttuarpoq.

Tassa imaappoq, imigassartorsimalluni biilertoqarneranik pasitsaassillutik politiinut nalunaarutiginnittoqareersorlu taama pisoqarpoq.

Biilertoq siulleq unnuap qeqqata missaani unitsinneqarpoq, aappaalu nalunaaqutaq 01.30 missaani unitsinneqarluni. Pineqartut tamarmik angutaapput.

Nalunaaqutaq 05.00 arnaq biilertoq unitsinneqarpoq, taannalu aamma imigassartorpallaarsimavoq.

Biilertut pingasut tigusarineqarput, napparsimmavimmukaanneqarput aaversillutillu. Taamaaliornikkut aavat imigassamik qanoq annertutigisumik akoqarnersoq paasineqassaaq. Aaversereernermik kingorna tigusarineqartut iperagaapput.

Powered by Labrador CMS