Ilannguaq
Petrussenip qipoqqamik naammattuuinertik annilaarnartoq, sapaatip akunnerisa
arlaqanngitsut matuma siornagut facebookimi quppernermini allaaseraa, tamannalu
siammarterneqarluarpoq, ilaatigut naalakkersuinermut tunngasunik
oqallittarfimmi atorneqarluartumi.
- Sarfannguit
tungaanut ingerlaartilluta qipoqqamut aporatta, Ilannguaq Petrussenip
oqaluttuarnini taama aallartippaa.
PISASSIISSUTIT
Inuppassuit
paatsoornikkut isumaqartarput qipoqqaat eqqissisimatitaasut. Taamaanngilarli.
Namminersorlutik Oqartussat naapertorlugit Kitaani qipoqqarnik qulinik
pisassiisoqarsimavoq. Angallatit qipoqqarniarnissamut teknikikkut
piumasaqaatinik, nalunaarummi ataani
allassimasunik naammassinnissimasutut
akuerineqarsimasut januaarip aallaqqaataannit decembarip 31-annut
qipoqqarniarsinnaapput.
Kalaallit Nunaannut arferit angisuut pisassiissutigineqartut
Arfanniarnermut Ataatsimiititaliarsuup (IWC) inassutai naapertorlugit
aalajangerneqartarput, ataatsimiitsitaliarsuaq pisassiissutigineqartut
amerlassusiinut aalajangiisartuuvoq. Ukiunut arfineq marlunnut 2019-imit
2025-mut atuuttumik pisassiisoqarpoq, ukiumut pisassiissutaasarlutik
tikaagulliusaat, arfiviit, qipoqqaat, Kitaani tikaagullittassat aamma Tunumi
tikaagullittassat.
Najoqqutaq:
naalakkersuisut.gl
Ilannguaq
Petrussenip qipoqqamik naammattuuinertik annilaarnartoq, sapaatip akunnerisa
arlaqanngitsut matuma siornagut facebookimi quppernermini allaaseraa, tamannalu
siammarterneqarluarpoq, ilaatigut naalakkersuinermut tunngasunik
oqallittarfimmi atorneqarluartumi.
- Sarfannguit
tungaanut ingerlaartilluta qipoqqamut aporatta, Ilannguaq Petrussenip
oqaluttuarnini taama aallartippaa.
- Tamangajatta
immamut igeriussaagatta, qujanartumik ilarput ataaseq umiatsiamit avammut
igeriussaannginnami. Taassuma annaappaatigut, immami uumasut angisoorujussuit
ilaanik annilaarnartumik naapitsinertik pillugu taama allappoq.
Ilannguaq nammineq
umiatsiap saneraanut toriarluni immamut nakkarpoq. Immap qaavanut puiniarluni ilungersornermini
uippallingajalluinnarpoq kiisamilu anersaarniarluni puilluni. Ilaqutariit
tallimanik inuttaqartut Sarfannguanut qanillereersimagaluarlutik, nunamit avasissumiipput
nalullutillu nunamukarsinnaanissaat takorloorneqarsinnaanani. Qujanartumik allat immamut igeriussaasimasut annanniutinik
atallaaqaramik. Taakku ilaat aggeqqugamiuk qanillimmat taamaalilluni annanniutitut
atorsinnaasimavaa.
Arnaq
kisiartaalluni umiatsiamit avammut igeriussaanngitsoq, umiatsiamik
ingerlatsisinnaanngimmat, immamut igeriussaasimasut ilaata sapinngisannguaminik
tungiminnut ingerlatinniarsaralugu nassuiaanniarsaraa.
- Tamatta
ajoqusernata Sisimiunut apuuppugut, Ilannguaq Petrussen allappoq, taassuma
annerusumik apersorneqarnissani kissaatiginnginnamiuk AG facebookimi
quppernerminik issuaasinnaaneranik akueralugu.
QIPOQQAQ
Qipoqqaq arferit soqqallit ilagaat. 12-15 meterinik
takissuseqalersinnaavoq 25-30 tonsit akornannik oqimaassuseqarluni. Ukiup
affaani aasap nalaani Kalaallit Nunaanut nerisassarsioriartorlutik tikittarput,
aalisakkanillu ataatsimoortukkaanik peqqunillu krillinik nerisaqartuulluni. Qipoqqaat
aasaanerani Kalaallit Nunaata imartaani, orsunilluarniarlutik
oqimaannerulerniarlutillu, annertungaatsiartumik nerisaqartarput.
Taamaalillutik ukiap naalernerani kujavarterlutik piaqqiffissaminnut
ingerlaarsinnaalersarput. Qanini imermik ulikkaarlugu tamusseriarluni
aniatillugu soqqarminut uniorartitsisarpoq. Tamussernerit tamaasa qanermi ilua
imermik nammineq oqimaassutsimi affaa angullugu oqimaassusilimmik
tamussertarpoq, tassa imeq 15 tonsit sinnerlugit oqimaatsigisoq.
Taamaaliorsinnaavoq oqqani qanermilu naqqa qalatsini tikivillugu tasittaramagit
poorujussuartut ilisillugit.
Pinngortitaleriffiup qipoqqaat ingerlaartarneri amerlassusiilu ingerlaavartumik misissugarai.
Timmisartumit kisitsisarneq, arferit amerlassusaat missingersorniarlugit,
akuttuallaanngitsumik ingerlanneqartarpoq.
Najoqqutaq:
pinngortitaleriffik.gl
Uumasut
ulorianartut
Allaaserisaa
aamma politikikkut oqalliffiusartumi ima oqaasertalerlugu ingerlateqqinneqarsimavoq:
“Uumasupalaat taakku sinerissami ullut tamangajaasa ajornartorsiortitsisartut
maanna takusinnaavarput. Suniarivununa?”
Tamatumunnga
atatillugu oqaaseqaateqartut amerlasuut uumiginninnertik isertuutinngilaat,
naak uumasoq kusanartoq taanna, takornarianit nunaqavissunillu isiginnaarlugu
nuannaarutaasaraluaqisoq.
Arlallit
aasaq manna qipoqqarmik naapitsisimanertik nuanniitsoq pillugu facebookimi
oqaluttuartarput.
- Toqorarneqaannassapput,
amerlangaarmata maanna ajoqutaaginnalersimapput.
-
Upernaviup avataani umiatsiamik aamma ajutoortoqarsimavoq, umiatsiamik
angalaartoq aamma immamut igeriussaasimagami, qujanartumilli ikiuisussat
qanittunnguamiissimallutik.
-
Qipoqqarpassuanngorsimapput. Taamaalilluni umiatsiamik angalaarneq
ulorianarsilluinnarsimavoq.
- Qipoqqaat
aamma maani Tunumi umiatsiannguamik aalisariartunut imaluunniit soorlu
puisinniartunut maanna ajornartorsiutaapput. Tikaagulliusaat qipoqqaallu maanna
takussaajuaannalerput. Tamakku ajornartorsiuterujussuanngorsimapput.
Nammineerlunga aamma umiatsiamik arfermut apungajalluinnarnikuuvunga.
Oqaaseqaatigineqartartut
ilamininngui taama nipeqarput. Inatsisartunut Naleraq sinnerlugu ilaasortaq,
Jens Napaattooq quppernermi oqallittunut ilaatigut ilaaqquppoq. Taanna
naatsumik allappoq misissuiffiginiarlugu. Misissuinini iluatsissimaneraa AG-mit
paaserusukkaluaratsigu iluatsinngitsoorparput.
AG-p
Pinngortitaleriffimmi arfernut immikkut ilisimasallit
attaveqarfiginiarsarigaluarpai, allaaserisanilli tunniussivissaq sioqqullugu
akissutisinngitsoorluni.
