Inissiaq ikuallattoq ATV-llu malersorneqartut

Politiit Nuummi Blok 10-mi ikuallattoqarneranik arfininngornermi unnukkut nalunaaqutaq 21.50 kalerrinneqarput.

H.J. Rinksvejimi inissiami ikuallattoqarneranit sakkortuumik pujortoq nalunaarutigineqartoq pigaartut pisortaat Aputsiaq Hansen oqarpoq.

Politiit qatserisartullu ornigupput, qujanartumilli inissiaq inoqanngitsoq paasineqarpoq.

Qatserisartut ikuallanneq ingerlaannaq qamippaat.

- Qatserisartut iliuuseqapallapput, ikuallannerlu ingerlaannaq qaminneqarluni, pigaartut pisortaat oqarpoq, ilanngullugulu oqaatigalugu ikuallannermut suna pissutaanersoq suli paasiniarneqartoq.

Sapaatip unnuaani nalunaaqutaq 03.50 missaani politiit allamik aamma suliaqarput, tassa Nuup Nuussuullu akornanni ATV-mik malersuipput.

Politiit ATV-t unitsinnissaat iluatsippaat, aquttorlu aqqusinermi angallannermi inatsisinik assigiinngitsunik tallimanik unioqqutitsisutut unnerluutigineqarpoq.

Biilertoq imigassartorsimanersoq ilaatigut misissorneqarpoq.