Instituttimi pisortamik Ilisimatusarfik toqqaavoq
Kulturimik, Oqaatsinik Oqaluttuarisaanermillu Ilisimatusarfimmi instituttip pisortaatut Mari Kleist toqqarneqarpoq.
- 2021-mi Mari Nuummut uterpoq Ilisimatusarfimmilu aallartikkami Inuiaat Kulturiannut Oqaluttuarisaanerannullu Immikkoortortaani immikkut ilisimatusartuullunilu lektoriusimavoq. Tamassuma kingorna 2022-mi Mari ilinniakkami tassani immikkoortortaqarfimmi pisortatut atorfinippoq - maannalu instituttip siuttortaaraa, Ilisimatusarfik tusagassiuutinut nalunaarummi ilisimatitsivoq.
Institutti taanna Kalaallit Nunaata oqaluttuarisaanera, kalaallit oqaasii kulturikkullu ineriartornerit qitiutillugit ilinniartitsinermi ilisimatusarnermilu siuttuuvoq,
Instituttimi pisortanik Ilisimatusarfimmi Ilisimatusarnermut Siunnersuisoqatigiit toqqaasarput, Mari Kleistillu „ilisimasai, tunniusimanera piginnaanerilu“ tunngavigalugit toqqarneqarsimasoq, allassimavoq.
