Inuit attaveqatigiittarfianni Múte B. Egedeusuusaartoq USA-mut akerartuisoq
Inuit attaveqaqatigiittarfianni X-imi inuk eqqunngitsumik naalakkersuisut siulittaasuusaartoqartoq Múte B. Egedeusuusaartoq Naalakkersuisut tallimanngormat nittartakkaminni nalunaarutigaat.
Nittartakkami eqqunngitsumik Naalakkersuisut siulittaasuusaartoq USA-mut uumissuisumik allaqattaartoq Naalakkersuisut nittartakkaminni tallimanngormat ualikkut nalunaarutigaat.
Assi: Namminersorlutik Oqartussat
Inuit attaveqaqatigiittarfianni X-imi inuk eqqunngitsumik atuisuliorluni Kalaallit Nunaanni naalakkersuisut siulittaasuattut, Múte B. Egedetut, imminut saqqummiuttoq Naalakkersuisut tallimanngormat nittartakkaminni nalunaarutigaat.
Milliardærip Donald Trumpimillu tapersersuisup Elon Muskip allagaanut atuisoq eqqunngitsoq ima akissuteqarpoq:
- Nunatsinniit peeritsi. Kalaallit Nunaat kiffaanngissuseqarpoq kiffaanngissuseqartuassallunilu.
Taanna allataq atuisumiit eqqunngitsumiit allagaasoq Naalakkersuisut paasissutissiipput.
- Inuit attaveqaqatigiittarfiani X-mi eqqunngitsumik atuisuliortoqarsimavoq, tassa Naalakkersuisut Siulittaasuusaarluni. Eqqunngitsumik allaaserisaq eqqumaffigeqqunarpoq, naalakkersuisut allapput.
