KL

DK

NAALAKKERSUISUT

Inuit innarluutillit oqaaseqartartuata inissisimanera pillugu nipaannersuaqarpoq

Qaammat ataaseq missiliorlugu inuit innarluutillit oqaaseqartartuata inissisimaneranut tunngatillugu meeqqanut inuusuttunullu immikkoortortaqarfimmit Sermitsiaq akissutissarsiniarsarivoq, suli iluatsinngitsumik. Maanna oqaaseqartartuusup atuuffia decembarip aallaqqaataani naanikuuvoq, sulili aalajangertoqalerneranik takussutissiisoqanngilaq. Maanna Inatsisartuni ilaasortaq, Anna Wangenheim aamma Facebook-imi allappoq akissummik ujartuilluni.

Inuit innarluutillit oqaaseqartartuat ukiut pingasukkaarlugit toqqarneqartarpoq. Kingusinnerpaamik decembarip aallaqqaataani nutaamik oqaaseqartartumik imaluunniit Anja Hynne Nielsenip atuuffimminik sivitsuinissaaa aalajangerneqartussaagaluarpoq.
Jensine Berthelsen
tusagassiortoq
Saqqummersinneqarpoq

Inuit innarluutillit oqaaseqartartoqarfianni nikisitsisoqassava imaluunniit Anja Hynne Nielsenip isumaqatigiissutaa sivitsorneqassava, taamaalillunilu innarluutilinnut oqaaseqartartuulluni ingerlaqqittussanngorluni?

Apeqqut taanna Sermitsiap sivisuumik akissutissarsiniarsimagaluarpaa, suli iluatsinngitsumik. Tassunga atatillugu innarluutilinnut oqaaseqartartup atuuffiata piffissaliussaa 1. december naareernera innersuussutigalugu apeqqutigaarput tamanna isumaqarnersoq maannakkut oqaaseqartartuusup isumaqatigiissutaa ukiuni pingasuni sivitsorneqassanersoq.

Meeqqanut inuusuttunullu immikkoortortaqarfimmit akissutisiarput kingulleq tassaavoq uani sapaatip akunnerata naanerani akissutisiumaartugut.

Anja Hynne Nielsen siusinnerusukkut Sermitsiamut uppernarsaareerpoq inunnut innarluutilinnut oqaaseqartartutut atorfini ingerlatiinnarusullugu qinnuteqarsimalluni.

Wangenheim: Naalakkersuisut soqutigittaannerat kiinaannguusaarnarpoq

Maanna Inatsisartuni ilaasortaq, Anna Wangenheim (D) apeqqut taanna nammineq politikeritut Facebookimini apeqqutigaa, tassunga ilanngullugu ernumassuteqarnerarpoq Naalakkersuisut Hynne Nielsenip ullumikkut innarluutillit pillugit politikkimut malunnaatilimmik uparuaasinnaassuseqarnera isornartorsiuisinnaassuseqarneralu naammaginninngissimasinnaanerat pillugu:

- Novemberip naanissaata tikillugu Innarluutilinnut Oqaaseqartartoq sulivoq, aammalu NIIK-miit nersorneqarpoq, suliniuteqallaqqinneranut. Naalakkersuisut suliaannut pitsanngorsaataasinnaasunik ammasumik uparuaasarlunilu kaammattuuteqartarpoq. Uparuartuisarnera Naalakkersuisuniit ajorineqarnerami? Ila Naalakkersuisut matoqqangaarmata, kiisa apeqquterpassuit pinngoralertuarput. Aammattaaq politikkikkut attuumassuteqartinniarneqarnera kiisa apeqqusernarsivoq atorfinitsitsiniaanerminni allaat uterfigineqarsimanngimmat decemberip aallaqqaataani suli atuuffini suliffigissanerinni. 

- Ila kiinannguusaarnaq ukiuni pingasuni atuuffeqarsimasoq qujassuteqarfiginaguluunniit, qinnuteqaataanulluunniit qisuariaateqarfiginagu ullormiit ullormut “atorfeqarunnaartinneqarnera”.

naalakkersuisut samfund inuiaqatigiit anja hynne nielsen handicaptalsmand

ATORFIIT Se alle jobs

Powered by Labrador CMS