KL

DK

Inuit pisinnaatitaaffii pillugit quppersakkap ilisimasaqarnerulersissavaatigut

Kalaallit Nunaanni innuttaasut inuit pisinnaatitaaffiinik ilisimasaqarnerulernissaat siunertaralugu quppersagaq nutaaq saqqummersinneqarpoq.

Tusagassiortoq
Saqqummersinneqarpoq

Nunatsinni Inuit Pisinnaatitaaffii pillugit Siunnersuisoqatigiit (IPS) Inuit Pisinnaatitaaffiinut Instituti suleqatigalugu quppersakkamik inuit pisinnaatitaaffiisa nunatsinni naapertuunnerisa atorneqarnerisalu paasinissaannut paasiniaaviginissaannullu ajornannginnerulersitsisussamik saqqummersitsipput.

- Inuit pisinnaatitaaffiinut tunngasut paasilertoruminaatsuupput annertullutillu. Pisinnaatitaaffiit nunatsinnut naapertuunnerpaat quppersakkap imarai. Quppersakkap ilinniagalinnut innuttaasunullu pingarutilittut sakkugineqarsinnaanissaa neriuutigaarput, IPS-ip siulittaasua Qivioq Løvstrøm tusagassiorfinnut nalunaarummi allappoq.

Immikkut sammisani siulleq

Quppersagaq, nunatsinni inuit pisinnaatitaaffii ataatsimoortillugit immikkut sammisaqartuni siullersaavoq, tassani apeqqutit uku pingasut akissutisineqarsinnaapput:

  • Nunatsinni inuit pisinnaatitaaffiisa eqquutsinnissaat kia akisussaaffigaa? 
  • Nunap inoqqaavisa pisinnaatitaaffii qanoq inissisimappat? 
  • Nunanilu tamalaani isumaqatigiissutit suut nunatsinni atuuppat?

Siulliutillugit immikkut ilisimasalinnut

Quppersagaq inuinnaat suliniaqatigiiffiini ilinniagalinnut, pisortanut, oqaaseqartartoqarfinnut allanullu inuit pisinnaatitaaffiinik suliniuteqartunut pingaarnertut saaffiginnittoq IPS tusagassiutinut nalunaarummi allappoq.

Håndbogip, 82-nik qupperneqartoq, sisamanik immikkoortortaqarpoq, aallartinneranilu ilisimatitsissutigineqarpoq naqiterisitsinerup atuisoq angisuunik allannilik, naannerusunik qimerluugaqarluni, oqaaseq ataaseq immikkoortunngikkaangami, qiterleqanngitsumik kingornalu ersarissumik assigiinngissuteqartumik imaqartoq, imarisami paasiuminartunngortinniarlugu.

Quppersakkami 102-nik quppernilimmi sisamanik immikkoortortalimmi naqinnerit angisuut, oqaaseqatigiit naatsut, oqaatsit kittoraasikkat ikittut, titarnertaat naaneri nalleqqatigiinngitsut assersuutillu ersarissut atorlugit, saqqummiussatta sapinngisaq tamaat tamanit atuarneqarsinnaanissaa anguniagaraarput.

Quppersagaq IPS-ip Inuit Pisinnaatitaaffiinut Institutillu suleqatigiillutik saqqummersitaasa arlallit ilagaat, taannalu Atlantikup Avannaamiuinut aningaasaliissutit atorlugit suliarineqarpoq, uanilu atuarneqarsinnaalluni:

qivioq løvstrøm menneskerettigheder grønland håndbog inuiaqatigiit ips samfund

ATORFIIT Se alle jobs

Powered by Labrador CMS