Aallaqqaammut peqatigiiffimmit
Free Gaza Movement Danmarkimeersumit mailikkut allagarsivoq, taakkualu Freedom
Flotilla Coalition suleqatigalugu ukiuni arlalinni akerliussutsimik
takutitsinernik umiarsuarmillu angalatitsinernik aaqqissuisarsimapput. Aka Hansen
aasaq mailikkut allagarsivoq qulequtaqartumik “Umiarsuaq Gazamut”.
– Eqqarsaqqaarpunga quiasaarutaannaanersoq,
imaluunniit ilumut taama allassimava – iliuuseqarnermut peqataarusunnersunga
aperineqartunga, isummaminik sukataarussisartoq Aka Hansen oqaluttuarpoq, taassumalu ilaatigut Nunatta
nunasiaataajunnaarnissaa sammisarpaa.
Aallaqqaammut peqatigiiffimmit
Free Gaza Movement Danmarkimeersumit mailikkut allagarsivoq, taakkualu Freedom
Flotilla Coalition suleqatigalugu ukiuni arlalinni akerliussutsimik
takutitsinernik umiarsuarmillu angalatitsinernik aaqqissuisarsimapput. Aka Hansen
aasaq mailikkut allagarsivoq qulequtaqartumik “Umiarsuaq Gazamut”.
– Eqqarsaqqaarpunga quiasaarutaannaanersoq,
imaluunniit ilumut taama allassimava – iliuuseqarnermut peqataarusunnersunga
aperineqartunga, isummaminik sukataarussisartoq Aka Hansen oqaluttuarpoq, taassumalu ilaatigut Nunatta
nunasiaataajunnaarnissaa sammisarpaa.
Gazami pissutsit inoqatinut
attaveqaqatigiittarfitsigut ukiuni marlungajanni malinnaavigisimavai:
qaartartumeerisarnerit, innuttaasunik toqoraasarnerit
kaannersuaqaleraluttuinnarneralu.
- Nunat siuttuisa ilaat
qanittukkut iliuuseqarumaartut eqqarsarama. Taamatulli pisoqanngitsoq
misigisimallugu – allaammi Danmarkimit iliuuseqartoqanngilaq. Taamaattumik
imaaliallaannarlunga akuersivunga, oqarpoq.
Madleen-imit Sumud-imut
Umiarsuit atorlugit
ikiorsiissutissanik Gaza-mukaasseriaraluarnerit siusinnerusukkut
unitsinneqartarput. Umiarsuaq Madleen, Greta Thunbergimik ilaasoqartoq, Gazamut
apuutinngilaq. Umiarsuaq alla Aka Hansenip ilaaffiginissaanut
qaaqqusaaffigisaralua aamma
unitsinneqarpoq, naak ungasinnerusumut apuukkaluarluni.
– Pissutsit
eqqumaffigineqarnissaat, umiarsuarnik angalatitsisarnerup siunertaasa
ilagaat. Inuit qaartartumeerinikkut
toqunngikkaangamik perlerlutik toqusarput. Tamanna inuppalaanngitsorujussuuvoq,
Aka Hansen oqarpoq.
Iliuuseqarusunneq maannakkut
annertusisimavoq. Sumud-imik taaguuserlugu umiarsuarnik 40-50-inik nunanit
44-neersunit Gazamut angalasoqarniarpoq.
- Umiarsuup siulliup unitsinnissaa
ajornanngitsunnguugami umiarsuarmi ataasiinnaagami. Maannali umiarsuit
40-uuppata taava qanoq pisoqassava? Aperivoq.
”Minnerpaamik
iliuuserisinnaasara”
Aka Hansenip umiarsuarmut
ikiorsiissutissanik usisumut ilaanerup ulorianartuunera nalunnginnamiuk qanoq
pisoqarsinnaanera eqqarsaatigisimavaa.
- Soorunami isumannaatsuunissara
eqqarsaatigisimavara. Tamanna isumannaatsuinnaannginnami.
Pingaaruteqarnerpaavorli ikiorsiissutissat apuunneqarnissaat. Sakkulersorani eqqissisimasumik
iliuuseqarnerussaaq. Sakkunik nassartoqassanngilaq – inunnik ikiuiniarluni
iliuuseqarneruvoq, oqarpoq.
Aka Hansenip neriuutigisaa
erseqqippoq:
- Maanna pingaarnerpaaq tassaavoq
nerisassat, nakorsaatit immuliassallu tikiunneqarnissaat, inuillu pisariaqartitaminnik pissarsinissaat,
soorunamilu ataavartumik sorsuuttoqarunnaartariaqarpoq. Iliuuserineqartussami immaqa naggueqatigiinnit Inunneersumik aatsaat
peqataasoqartussanngormat, oqaaseqarnissaminut akisussaaffeqartutut
misigisimavoq.
– Tusagassiuuterpassuit
oqaluttuap illuatungaannaannik saqqummiussisarput. Qanoq isumaqarnitsinnik ersersitsinissarput
pingaaruteqarpoq. Palæstinamiunut tapersersuivunga. Arlaatigut tamannaavoq
minnerpaamik iliuuserisinnaasara, Aka Hansen oqarpoq, taannalu qanittukkut
Gazamut ikiorsiissutissanik pajuttunut ilaasussaavoq.
