Isertitat ikilimmata Tusassip allakkeriviit ilaat matuai
Allakkanik suliaqarnermi isertitat ikileriarujussuarnerisa kingunerisaanik Tusass allakkerivinnik pingasunik, tassa Paamiuni, Narsami aamma Nanortalimmi matusisariaqalersimavoq. Naalakkersuisut pisunut akuliunnissamut pilersaaruteqanngillat.
Digitalimik ingerlatsineruneq allakkerivinni tamani malugineqarsinnaavoq - aamma nunatsinni. Tusassip allakkeriviit pingasut matuai Brugsenilu sullissisussatut isumaqatigiissuteqarfigalugu.
Leiff Josefsen
Tusass allakkerivinnik pingasunik matusivoq aningaasarsiornissamut iluanaarnarpallaannginnertik pissutigalugu, allakkat digitalinngortinneqarnerata kingunerisaanik allakkat nassiunneqartarnerat annikilleriarsimammata.
- Allakkerinermut ingerlatseqatigiiffiit nunarsuaq tamakkerlugu ajornakusoortorujussuarmik inissisimapput aammalu siunissaat suli ajornakusoornerulluni, tassami digitalinngorsaaneq pingaarnertut
isertitaqarfiusartunut, tassaasunut allakkat, eqquimmat. Tamatumani
imminut akilersinnaasumik suliassat kisinngoruttut
suliarisinnaanissaannut nutaamik eqqarsarnissaq pisariaqarpoq -
nutaamik eqqarsarneq, taamatuttaaq Kalaallit Nunaanni, taamaalillunilu
Tusass-imi, pisariaqartoq, Attaveqaasersuutinut Naalakkersuisuip Hans Peter Poulsenip (S) Inatsisartunut ilaasortaq Mariane Paviasen (IA) paragraf 37 atorlugu apeqquteqaataanut akissuteqarluni allappoq.
Iluaqutit arlallit
Allakkeriviit pingasut matuneqarneranni ilimagineqanngilaq illoqarfiit inuerukkiartulernissaannut sunniuteqassasoq.
- Pisiniarfiit taakkua matuneqarneranni
Tusass-ip pissutsit arlallit qulakkeerpai, ilanngullugit:
- Ammasarfiit sivisunerujussuanngornerat. llloqarfinni pingasuni
tamaginni ammasarfiit ullut tamaasa nal. 12:00-15:00-imut
nalunaaquttap akunnerinik pingasunik sivikillipput. Ullumikkut sullitat
Brugsenip ammasarfiini sullinneqartarput, taamaattumik sullitat
namminneq suliffimmi iluani Tusass-ip pisiniarfiinukartariaarupput.
- Sullitanik sullissineq allanngorartinneqarsinnaasoq. llloqarfinni boksit
tunniussiviusartussatut ikkussorneqartut kingunerisaannik sullitat
sms-ikkut imaluunniit mail-ikkut ilanngunnermikkut ilaquttaminnik
imaluunniit ilisarisimasaminnik nassiussanik aallertitsisinnaalerput.
- Suliffissanik piujuartitsineq. llloqarfinni pingasuni taakkunani Tusassip Brugseni suleqatigalugu suliffissanik atorunnaarsitsinissap
pinngitsoortinnissaa iluatsippaa, tassami Tusass-imi sulisut tamarmik
Brugsenimi sulilernissamik neqeroorfigineqarput.
- llinniartut sungiusarfissaannik nukittorsaaneq piujuartitsinerlu.
Tusass-imi ilinniartut suleqatigisartakkani ilinniarnertik
ingerlatiinnarpaat, tassani assigiinngisitaarnerusumik
ilinniagassatigullu oqimaannerusumik ilinniartitsinissaq
periarfissaqarluni.
Hans Peter Poulsenip erseqqissarpaa innuttaasut inuussutissarsiuteqartullu soqutigilluinnaraat "Tusass-ip allakkerinermut nalunaarasuartaatitigullu
attaveqaqatigiinnermut aningaasartuutimik pisariaqanngitsumik
qaffakkiartunnginnissaannut, sunniuteqarluarnerulersitsinissaa".
