Kalaallit Nunaata EU-llu suleqatigiinnerulernissaat tapersersorlugu piffissami sivitsortumi eqqartortarpara. Uanga isumaga naapertorlugu Kalaallit Nunaata EU-mut ilaasortaaqqilernissaa pitsaanerpaassaaq, kisianni Kalaallit Nunaanni politikkikkut pissutsit maanna atuuttut eqqarsaatigalugit taama pisoqassagunanngilaq.
Pitsaanerpaat tullii tassaapput Kalaallit Nunaata EU-milu nunat assigiinngitsut akornanni isumaqatigiissutit. Makitsinikkut suleqatissamik nassaartoqartariaqarnera takorlooraanni, Frankrigi pitsaanerpaat ilagaat. Periarfissaq tamanna eqqarsaatigeqqissaarneqartariaqarpoq, suliarineqarluni timitalerneqarlunilu – tamanit.
Kalaallit Nunaata EU-llu suleqatigiinnerulernissaat tapersersorlugu piffissami sivitsortumi eqqartortarpara. Uanga isumaga naapertorlugu Kalaallit Nunaata EU-mut ilaasortaaqqilernissaa pitsaanerpaassaaq, kisianni Kalaallit Nunaanni politikkikkut pissutsit maanna atuuttut eqqarsaatigalugit taama pisoqassagunanngilaq.
ISUMAGA
Isuma allaaserinnittup inuttut nammineq isumaanik ersersitsisuuvoq.
Pitsaanerpaat tullii tassaapput Kalaallit Nunaata EU-milu nunat assigiinngitsut akornanni isumaqatigiissutit. Makitsinikkut suleqatissamik nassaartoqartariaqarnera takorlooraanni, Frankrigi pitsaanerpaat ilagaat. Periarfissaq tamanna eqqarsaatigeqqissaarneqartariaqarpoq, suliarineqarluni timitalerneqarlunilu – tamanit.
Oqaatigisareerpara kikkulli tamarmik paasiniassammassuk uteqattaartuassavara: Frankrigi suleqatigissallugu nuna pingaaruteqarluinnartuuvoq. Nunarpassuit allat assiginagit Frankrigip nunat imarpiup avataaniittut amerlasuut ulluinnarni suleqatigai. Kulturit assigiinngitsuunerat, taakkulu ilinniarneqartariaqarnerat, ataqqineqartariaqarnerat maleruarneqarnissaallu ilisimavaat. Tassa Frankrigi tunniussaqarsinnaavoq.
Kalaallit nunatta pisuussutai inuussutigiumallugit aalajangernikuuarput. Frankrigimi suliffissuaqarfiit nunap iluaniit qallukkavut tamaasa pisiarisinnaavaat nukissiuutillu mingutsitsinngitsunik pilersitsilluni. Tamatumunnga ilanngullugu ukiut tulliuttut ingerlaneranni EU-mit aningaasaliissuteqarnerulernissaq ilimagisinnaavarput. Tamanna suliniutini arlalinni aallartitsinermik periarfissiisinnaavoq, avammullu tunisassiortussanik ingerlatseqatigiiffinnik nutaanik periarfissanik nassataqarsinnaalluni. Nuummi EU-p allaffia aningaasaliissuteqarnissamut ikiuussinnaanera takorloorneqarsinnaappat, franskillu sinniisoqarfiata franskit naalagaaffiata aamma/imaluunniit franskit ingerlatseqatigiiffissuisa nunap iluaniit qallorsinnaasagut tamakkerlugit tuniniarnissaannut qularnaveeqqusiinissaat, taava tamanna tamanut ajornarunnaassaaq.
Aamma Frankrigi imarsiortoqarfissuullunilu sakkutuunik imarsiortoqarpoq saassussisinnaasunik. Frankrigip Kalaallit Nunaat Danmarkilu isumaqatigiissuteqarfigalugit piffissap ilaani sakkutuut imarsiortut pingasut-sisamat Kalaallit Nunaata imartaaniitissinnaagai takorloorsinnaaviuk? Taamaalilluni danskit sakkutuuisa imarsiortut umiarsuit maanna atorneqartut amutsivimmut suliaritikkiartorsinnaanngorlugit, taamaalillutik Kalaallit Nunaata imartaanut uteqqikkunik suliassatik suliarisinnaaqqilerlugit? Ruslandimut Kinamullu tunngatillugu Kalaallit Nunaata imartaa pitsaanerusumik sunniuteqarluarnerusumillu isumannaatsuusariaqarnera pissutsit maanna takutippaat.
Franskit umiarsuaat sorsuutit Kalaallit Nunaata imartaani takussaalerpata, EU-mi nunat Kalaallit Nunaannut isumannaallisaanermik, USA-p maannakkut pingaarnerpaatinngisaanik, imaluunniit apeqqusertagaanik, isumaginnittuusut taava aamma takutinneqassaaq.
Sivisuumik iliuuseqarfigisariaqakkat oqaluuserineqartarsimapput, nunatsinniillu nunat angisuut siulliullutik iliuuseqarnissaat naatsorsuutigineqartarsimalluni. Frankrigi maanna taamaaliorpoq, Kalaallit Nunaannullu isumaqarsinnaalluni.
Ullormut tamatumunnga atatillugu franskit viinniannik najoqqaavunga, eqqarsarlungalu: Allez la France!
