Timmisartoq siulleq mippoq – Iluliarmiut timmisartumi sulipput

Ilulissat mittarfianut timmisartoq siulleq mittoq Nuummeersuuvoq. Air Greenlandip timmisartua “Qasapi”. Timmisartumi inuttat pingasut tassa aquttut marluk aammalu saqisoq tamarmik Ilulissaneersuupput.

Sermitsiap timmisartup naalagaa, Tonny Fisker, mittarfiup illutaani oqaloqatigaa.

- Nuannerpoq aamma tulluusimaarnartorujuuvoq. Aqqutaani naliginnaasumik ingerlaarpugut kisianni mikkiartulernitsinni allanngorpoq. Mikkiartulernitsinni mittarfitoqaq saneqqutiinnarparput, tamanna eqqumiitsumik nuannerpoq, taanna Sermitsiamut oqarpoq.

Tonny Fisker peroriartornermini mittarfimmi, maanna atorunnaartumi, piffissamik sivisuumik atuivoq.

- Angajoqqaakka mittarfimmi sulisuunikuugamik, peroriartorninni mittarfimmiittaqattaartarlunga. Taamaammat soorunami uannut aamma immikkuullarippoq,mittarfik nutaaq ammarlugu meqqaarsinnaagatta ilaasoqarluta.

Taassuma suleqatini marluk, Ilulissaneersut, timmisartumi suleqatigai. Aquttoq Karla De Kam aamma saqisoq Sussie Marø.

- Timmeqatikka tamarmik iluliarmiuupput, aquttorput saqisorpullu. Soorunami tamatta pissangavugut ajunngitsumik. Oqaluuserisaqattaarparput soorunami eqqumiigilaarlugulu mittarfik nutaaq taamatut atoqqaartillugu ammarniarleratsigu, Tonny Fisker oqarpoq.