Sooq soqutigaara?
Immikkut maluginiarpara, nalaakkakku
atuarfiit angissusaat pillugu misissuisoqarsimaneq allaaserisaq atuarakku.
Sooq soqutigaara?
Immikkut maluginiarpara, nalaakkakku
atuarfiit angissusaat pillugu misissuisoqarsimaneq allaaserisaq atuarakku.
Taassuma takutippaa atuarfiit minnerni meeqqat ingerlalluarnerusartut -
pingaartumik meeqqat navianartumiitsut, sinaakkutit toqqisimanartunik,
inersimasunillu qanilaartunik pisariaqartitsinerpaat. Uannut ilisarisimannitsut
nalunngilaat; isummiinnartanngilaga misigissusera aallaavigalugu.
Misissortarpara ilisimatusarneq sumik tikkuussinersoq, inerniliinnginninni.
Taamaammat meeqqat pillugit maana “suaaruteqalaarniarpunga”.
Nuummi Atuarfik Inussuk Kalaallit Nunaanni atuarfinni
anginersanngulerpoq, atuartut 1000 missaani. Tusaannarlugu aaqqiineq
akilersinnaarpasittoq, kisianni misissuinerit qiviarutsigit, akerlianik
pædagogikkimik inuiaqatigiillu aningaasaqarneranni aarlerinartoqarpoq.
Nunat tamalaat akornanni missuinerit takutippaa meeqqat
iluarusunnerusartut ilikkagaqarnerullutillu ikittunnguakkuutaarunik. Nunat
tamalaat akornanni misilittakkat tikkuussipput atuarfiit 200-400 missaani
atuartullit pitsaanerpaanik angusaqartartut. Pissutaanerpaapput sinaakkutit
angivallaanngitsut, ilinniartitsisunut qanigisaqarneq, ataatsimoornerillu
nukittuut. Sinaakkutaapput pingaartumik meeqqanut navianartorsiortunut
isumalerujussuit - taakku Kalaallit Nunaanni amerlaginartuupput. Atuarfimmi
1000-inik atuartulinni ilisarisimaqatigiinnginneq, qinngasaartinneq,
piumassuseerunnerlu annertunerusumik aarlerinarpoq.
Nalunaarusiat ilaatigut DEA-miik (attuumaassuteqanngitsoq
isummersuisut), misilittakkallu qallunaat atuarfinnut aningaasaateqarfianniik
aammattaaq takutippaa atuartunut navianartorsiortunut iluatsittut tassaasut
eqimattat minnerit, qanimut tapersersorteqarneq, ilinniartitsisullu
marlukkaartut. Taamatut qaqqissuussisinissaq atuarfinni minnerni
ajornannginneeraavoq.
Ilisimatusarfiilli akerliani aaqqissuussaapput angisuumik
ingerlatsinermut. Tamaani campus avatagiisit angiisuut imminnut
tapersersornikkut angusat annertunerusinnaallutik, ingerlatsineq imminut
akilersinnaasoq, eqaatsoq, ilinniartut ingerlalluarnerat ilikkagaqarsinnaanerallu
innarlernagu. Ilinniartut inersimasut sapinngilaat ilinniarfiit angisuut,
inersuit ataatsimoorfiillu angisuut, akerlianik meeqqat annertuallaanngitsunik
sinaakkuteqarnissaq pisariaqartillugu.
Tamaammat inuiaqatigiit aningaasaqarnerannut Inussuk
ilisimatusarfittut atussallugu eqqarsarluarneruvoq. Ilimmarfik
mikivallaalereerpoq, nunattalu ilisimatusarnikut amerlanerit pisariaqartippai. Ilutigalugu meeqqat atuarfiat
Nuummi aaqqissuussinnaavoq atuarfinnut minnernut, meeqqat ilorrisimaarlutik.
Tamaasilluta silarsuit marluk pitsaanerpaat pilersissavagut:
meeqqat ilikkagarfiusinnaasuniissapput, misissuinerit takutikkaat taamaattoq,
Kalaallit Nunaallu ilisimatusarfittaarluni ineriartorsinnaasoq
motooriusinnaasoq ilisimasanut siuariartornermullu.
Qanutut aaqqissuutissanersoq kommunimiik naalakkersuisunut
nuunnera teknikkikkut aaqqissuutissaaq, aammalu Inussuk ukuit ingerlaneranni
tulluarsarnerusinnaavoq Ilisimatusarfittut ingerlanissaanut.
Tamanna pædagogikki silatusaarneq, aammalu aningaasanik
ingerlatsineq silatusaarneq.
