Isumannaallisaasut timmisartullu teknikkernera kinguaattoorutaasut

Nuummi mittarfimmi isumannaallisaaneq kingusissukkut ammarnera pingasunngornermi timmisartuussinissanut sunniuteqarpoq.

Air Greenland nittartakkamini ima allappoq:

- Greenland Airportsimi isumannaallisaasut ullaaq manna kingusissukkut ammarmata Nuummiit angallannerit arlallit kinguaattoorput, suliffeqarfik nalunaarpoq.

Air Greenlandip timmisartuisa ilaat teknikkikkut aamma ajornartorsiuteqarpoq, tamannalu aamma kinguaattoorutaassalluni.

Ajornartorsiut aaqqinniarlugu sulissutigineqartoq, tamannali ullumikkut timmisartuussinernut kinguaattoortitsissasoq Air Greenland ilisimatitsivoq.

 - Pisoq angalasunut eqquinera ajuusaarutigaarput, Air Greenland allappoq.

Greenland Airports mittarfimmik ingerlatsisuuvoq isumannaallisaanermullu akisussaasuulluni. Nuummi mittarfimmi isumannaallisaanermi sulisussaaleqineq pissutaasoq Greenland Airports siusinnerusukkut ilisimatitsissutiginikuuaa.