Inuk hashimik tigummiartoq mittarfimmi tiguneqartoq - Nuussuarmi tillinniartoqariaraluartoq

Ilulissat mittarfiannut pingasunngornermi tikittoq, hashimik tigummiaqartoq paasineqarpoq.

Taama pigaartut naalagaat Jeppe Andsager oqarpoq.

Politiit nalunaaqutaq 13.15 nalunaarfigineqarput, pigaartullu pisortaat naapertorlugu hashi annikitsuaraanera pissutigalugu akiliisitsinikkut suliaq naammassineqarsinnaavoq.

Ilulissani pisup saniatigut Nuup illoqarfiata ilaani Nuussuarmi pisiniarfimmut Grab and Go-mut tillinniartoqariaraluartoq pigaartut pisortaata oqaluttuaraa.

Matu silarleq kuupeeq atorlugu iserniaraluarput, igalaallu sequtserlugu matu alla iserniaraluarpaat iluatsinngittumilli.

Inuit pingasut taartunik atisaqartut sisamanngornerup unnuaani nalunaaqutaq 03.54 missaani, qimaasut takunnittup takuai, politiillu pisumut ilisimasallit imaluunniit inunnut pingasut takunnittut saaffiginneqqullugit kajumissaarneqarput.