KL

DK

Illersornissamik isumaqatigiissut Folketingimi sisamanngornermi suliarineqassaaq

USA-p Kalaallit Nunaata Danmarkillu akornanni illersornissamik isumaqatigiissut Folketingip ataatsimiittarfiani sisamanngornermi suliarineqassaaq. Tamatuma saniatigut siunnersuutit arlallit Kalaallit Nunaannut tunngasut, ilaatigut sakkut pillugit inatsisip aamma eqqartuussisarnermi inatsisip allanngortinneqarnisaat ullormut oqaluuserisassanut ilaapput.

USA-p præsidentiata Donald Trumpip, ministeriunerup Mette Frederiksenip aamma Naalakkersuisut siulittaasuata Jens-Frederik Nielsen isumaqatigiissut FN-ip illorsuani New Yorkimi sisamanngorneq novembarip 22-ani atsiorpaat. Isumaqatigiissut novembarip sisamaani Inatsisartunit akuerineqarpoq, tassani 16-init akuerineqarluni arfineq-marluk taaseqataanatillu akerliunngitsut. Isumaqatigiissut Folketingip ataatsimiittarfiani novembarip 12-ani suliarineqassaaq.
Trine Juncher Jørgensen Tusagassiortoq / tusagassiortoq
Saqqummersinneqarpoq

Suliat arlallit Kalaallit Nunaannut tunngassuteqartut Folketingimi sisamanngornermi ullaap tungaani sulierineqassapput.

Illersornissamut isumaqatigiissutip, USA-p Kalaallit Nunaata Danmarkillu akornanni FN-ip illorsuani New Yorkimi septembarip 22-ani atsiorneqartup, siullermeerneqarnissaa suliassanut Kalaallit Nunaannut tunngsunut ilaavoq 

Illersornissamut isumaqatigiissut Inatsisartuni siullermeerneqarlunilu aappassaanneerneqareerpoq, novembarip sisamaani akuerineqarpoq, tassani 16-init akuerineqarluni arfineq-marluk taaseqataanatillu akerliunngitsut.

Nunanut allanut ministerip Lars Løkke Rasmussenip aalajangiivigisassatut siunnersuut Novembarip 19-ani aappassaaneerneqartussatut ullulerneqartoq ataatsimiittarfimmi saqqummiutissavaa.

Pinerluttulerinermik inatsimmi aamma eqqartuussisarnermi inatsimmi allannguutissat

Illersornissamik isumaqatigiissutip siullermeerneqarnerata saniatigut inatsisissatut siunnersuutit arlallit inatsisinik atuutitsinermut tunngasut aamma siullermeerneqassapput, ilaatigut pinerluttulerinermik inatsit, tassani pinerluttut Kalaallit Nunaanniit, Kalaallit Nunaannullu tunniunneqarsinnaanerat ilaatigut qulakkeerniarneqarluni, aamma eqqartuussisarnermik inatsimmik allannguineq pinngitsaaliilluni iliuuseqarnernik eqqartuussinerit ungasissumiit attaveqaatitigut ingerlanneqarsinnaalerneranik periarfissiisoq, telefonimik tusarnaarnissamik telefonimullu tunngasunik paasissutissanik piniarnissamut ajornannginnerusumik periuseqalersitsinissamut periarfissiisut ilaatigut suliarineqassapput.

Siunnersuut ilaatigut pisortaqarfimmi atorfilinnik ajortisaarinermik aamma inunnik atornerluinermik pinerluuteqarnertut isiginnilersitsisoq, kinguaassiutitigut tunngasunik imalinnut iliuuseqarnerunissaq, pineqaatsissiinermi sakkortusaataasinnaasut, toqutsisimasullu immikkoortortami matoqqasumiitinneqartarneranut tunngasut aamma siullermeerneqassapput. Kingullertullu sakkut pillugit Kalaallit Nunaanni inatsit aamma siullermeerneqassaaq.

inuiaqatigiit folketingi eqqartuussisarnermik inatsit kalaallit nunaat usa illersornissamut isumaqatigiissut

Atorfiit tamaasa takukkit

PODCASTI

Powered by Labrador CMS