Isumaqatiginninniarnerit: Kaffi taavalu ssh...
Naalakkersuisoqatigiilernissamut isumaqatiginninniarnerit pisortartigoortumik ingerlaleruttorput. Isumaqatiginninniarnerilli qanoq ingerlasimaneranik partiit oqaasissaqarpallaanngillat. Sermitsiaq paasiniaalluni sianeqattaarpoq, pissarsialli assigiinngillat.
Foto: Tôrtia Reimer-Johansen
Demokaatit siulittaasuat, Jens Frederik Nielsen siulliullugu sianerfigineqarpoq, oqarasuaataali qaminngavoq.
- Nalunaarutaasivimmi uaniilerputit..., oqarasuaat akivoq. Taamaattumik isumaqatiginninniarnerit siuliuttaasumut oqaaseqarfigitinngitsoorpagut.
Naleqqami siulittaasoq, Pele Broberg aamma Sermitsiap attavigigaluarpaa, iluatsinngitsumilli.
Siumut siulittaasuat, Vivian Motzfeldt isumaqatiginninniarnerit pillugit oqaloqatigiuminarneruvoq, naatsumillu oqaaseqarpoq:
- Issiaqatigiiginnarpugut, Vivian Motzfeldt oqarpoq.
Sapaatip akunnerata tulliani kaffi piariissaaq
Atassutip siulittaasua, Aqqalu C. Jerimiassen napparsimasoq oqaloqatigineqarpoq:
- Kaffi siulleq, tassa kaffi siulliinnaavoq. Orneqqissaqqaarpagut. Aatsaat oqaloqatigiinneq siulleq pereerpoq. Pitsaasumik nangeqissasoq neriuutigiinnarpara. Oqaloqatiginnilluarput. Qulequtaannaanerusunik saqqummiiffigineruaatigut. Sapaatip akunnerata tulliani kaffi kandi qalanniarpasippaat, Aqqalu C. Jerimiassen oqarpoq.
Inuit Ataqatigiit siulittaasuata, Mùte B. Egedep oqarasuaataa aamma qaminngavoq.
Formanden for Inuit Ataqatigiit, Múte B. Egede havde også slukket sin telefon.
Demokraatit siulittaasuat, Jens-Frederik Nielsen, Facebookimini ilisimatitsivoq siammasissumik suleqatigiinnissaq anguniarneqartoq.
