J. D. Vance Kalaallit Nunaannut tikittussanngorpoq

USA-p vicepræsidentia J. D. Vance tallimanngormat nunatsinnukassalluni, tamat attaveqatigiittarfianni X-mi videomik saqqummiussilluni uppernarsaavoq.

Videomi saqqummiussamini nassuiaavoq Kalaallit Nunaanni pissutsit qanoq ippiarnersut takuniarlugit, nuliani Usha Vance nunatsinni tikeraarpat ilagissallugu.

- Ushap Kalaallit Nunaannut tallimanngorpat tikinnissaa nalunaarutigineqarmat nuannattorpassuupput, taamaammat aalajangerpunga kisimiilluni tikeraassanngitsoq, ilagissavaralu, J. D. Vance videomi oqarpoq Danmarkilu isornartorsiorlugu:

- Donald Trump sinnerlugu oqarusuppunga kalaallit sillimaniarnerat nukittorsassagipput, nunarsuummi sinnerata sillimaniarneranut pingaaruteqarluinnarmat.

- Ajoraluartumik USA-p aqutsisorisimasaasa Danmarkillu Kalaallit Nunaat piffissami sivitsortumi isiginngitsuusaarpaat, USA'p vicepræsidentia J. D. Vance X-imi videomi oqarpoq.

J. D. Vance videomi oqarpoq Pituffik Space Basep sillimaniarnikkut inissisimaffia paasisaqarfigissallugu:

- Sillimaniarnerup qanoq inissisimanera paasiniassavara.

- Ilisimasassitut nunarpassuit Kalaallit Nunaat siorasaartarsimavaat, aammalu Kalaallit Nunaata nunataa imartaalu atorlugu USA aamma Canada siorasaartarsimallugu, soorunamilu aamma Kalaallit Nunaanni innuttaasut siorasaartarsimallugit.

Amerikamiut tikeraartussat amerlineqartut

Vicepræsidentip nalunaaruteqarnera ministeriunerup ullormi matumani nalunaarsimanerata kinguninngua pivoq. Ministeriunerup nalunaarutigaa amerikamiut sapaatip akunnerani matumani tikeraartussat pissusilunnerarlugit.

Vancep taama nalunaarnera USA-p, Kalaallit Nunaata Danmarkillu akornanni nunatut attaveqatigiinnerup erloqinarnerulerneratut isigineqartariaqarsorinarpoq.

Naalakkersuisuusimasut maannalu Naalakkersuisuugallartut amerikap soqutiginnikkaluttuinnarnera piffissami kingullermi sakkortunerujartortumik akerlilertarpaat. Taamalli nalunaaruteqartarneq amerikami naalakkersuisoqarfiusunit tusaaneqanngilaq, vicepræsidentillu tikinnissaa tikeraartussat annertusarnerannik kinguneqarpoq.

J.D. Vance videomi taamaallaat oqaatigaa sakkutooqarfik tikeraassallugu, sumiiffiillu allat tikeraarnissaat taanagit.

Taamaammat suli ilisimaneqanngilaq amerikamiut tikeraartussat angalanissaat allannguuteqarnersoq.

Det er blevet meldt ud fra Det Hvide Hus, at Usha Vance skal besøge historiske steder, lære om grønlandsk kulturarv og overvære Avannaata Qimussersua.