Peqquserlunneraanermut suliami ilisimannittut amerlasuut Nunatta Eqqartuussissuuneqarfiani angumeriniarlugit aaqqiisoqarpoq, taamaattumik Lars-Emil Johansenip nassuiaateqarnera arlaleriarluni pivoq. Lars Møller-Sørensenip ataasinngornermi nassuiaaneranit sivikinnerulaarpoq. Tamaalli oqaluttuareqqittariaqanngilarput.
Lars-Emil Johansenip Lars Møller-Sørensenillu mailikkut Messengerikkullu allaqatigiittarnerannit uppernarsaatit illersuisut ataasinngornermi marlunngornermilu saqqummiuppaat. Oqarasuaatinit angallattakkaneersuupput eqqartuussinermilu kingullermi saqqummiunneqannginnamik aatsaat takuneqarlutik. Unnerluutigineqartut Eqqartuussisoqarfik Sermersuumi pineqaatissinneqarsimasunut ukiup affaani inissiisarfimmiittussanngortinneqarnikuupput.
Peqquserlunneraanermut suliami ilisimannittut amerlasuut Nunatta Eqqartuussissuuneqarfiani angumeriniarlugit aaqqiisoqarpoq, taamaattumik Lars-Emil Johansenip nassuiaateqarnera arlaleriarluni pivoq. Lars Møller-Sørensenip ataasinngornermi nassuiaaneranit sivikinnerulaarpoq. Tamaalli oqaluttuareqqittariaqanngilarput.
Lars-Emil Johansenip Lars Møller-Sørensenillu mailikkut Messengerikkullu allaqatigiittarnerannit uppernarsaatit illersuisut ataasinngornermi marlunngornermilu saqqummiuppaat. Oqarasuaatinit angallattakkaneersuupput eqqartuussinermilu kingullermi saqqummiunneqannginnamik aatsaat takuneqarlutik. Unnerluutigineqartut Eqqartuussisoqarfik Sermersuumi pineqaatissinneqarsimasunut ukiup affaani inissiisarfimmiittussanngortinneqarnikuupput.
Isumaqatigiissut piviusuusoq Kommuneqarfik Sermersuumillu sullissisoqarsimasoq eqqartuussinermi matumani illersuisut uppernarsarpaat.
Danmarkimut angalaneq
Tasiilami Kofoeds Skolemik pilersitsinissamut periarfissanik misissuineq allanillu suliaqarnikkut tamanna pisoq illersuisut oqarput. Lars-Emil Johansenip eqqartuussissuserisoqarfimmut saaffiginnissutaa, tassanilu Johansenip atuuffia allassimasoq ataasinngormat takuarput. Bruun & Hjejlemi siulersuisuni siulittaasoq Ole Spiermann saaffigineqarpoq.
Danmarkimut angalaneq eqqartuussivimmi sammineqarpoq. Tasiilami Kofoeds Skolep oqaluuserineqangaartup siunertaa misissorniarlugu angalanerusimagunarpoq. Kofoeds Skole atuarfiunngilaq, isumaginninnermullu ingerlatsiviuvoq imminut pigisoq, Danmarkimi ineriartortinneqarsimasoq.
Lars-Emil Johansenip borgmesteriusimasoq Charlotte Ludvigsen (IA) suleqatigiinnertik pillugu ilisimatissimallugu Lars Møller-Sørensen allaffigaa. Tamanna Charlotte Ludvigsenip eqqaamanagu ataasinngornermi oqarpoq. Taamaattoqarsinnaannginneralu aamma oqaatiginagu.
Lars Møller-Sørensenip napparsimalluni sulinngiffeqarnerani kommunimi pisortap tullia Marie Fleischer Lars-Emil Johansenip aamma ataatsimeeqatigaa. Kommunimi siunnersortitut imminut ilisaritinniarluni taamaaliorluni Møller-Sørensenimut allappoq.
Unnerluussisup oqaasii ilumuunnginnerarai
Eqqartuussivimmi marlunngornermi paasissutissat amerlanerusut saqqummiunneqarput, tassanilu Johansenip nammineq attaveqarnermut tunngatillugu inissisimaffia nassuiarneqarluni.
Lars-Emil Johansen assigiinngitsutigut suliniuteqarsimasoq, ilaatigut Tasiilamut tunngatillugu, unnerluussisup Bo Bjerregaardip upperaa. Kommuneqarfik Sermersuumulli sullissisimanani. Assersuutigalugu Johansenip “inissialiornermut paasissutissat soqutiginnilersitsinissamut iluaqutiginiarlugit” piumasimammagit.
- Kommunimi pisortamut siunnersortitut sulinikuuvunga, Lars-Emil Johansen eqqartuussivimmi oqarpoq.
Lars-Emil Johansenip Gudmundur 'Gujo' Thorsteinsson, Nuummi Kofoeds Skolemi pisortaasimasoq, sullikkaa unnerluussisussaatitaasoq isumaqarpoq. Taakku allaqatigiinnerat saqqummiunneqarpoq.
Piffissap ilaani Johansenip Thorsteinsson Kommune-Lars nakkutigalugu allaffigaa. Lars-Emil Johansenip taama allassimanini nassuerutigaa, unnerluussisullu oqaasii ilumuunnginnerarlugit.
