Avannaarsuani nuna eqqissisimatitaq 1 million
kvadratmeteringajaasoq nunarsuarmi annerpaajussaaq. Nunarsuarmi sumiiffik
immikkuullarissoq.
Nunamik eqqissisimatitassamik nutaamik
pilersaarusiortoqarpoq – Kalaallit Nunaata kitaani. Siunnersuut naapertorlugu
kujammut Kangerlussuup avannamullu Qeqertarsuup tunuanut Sermersuarmiillu
Davisip Ikeranut isorartussuseqarpoq.
Avannaarsuani nuna eqqissisimatitaq 1 million
kvadratmeteringajaasoq nunarsuarmi annerpaajussaaq. Nunarsuarmi sumiiffik
immikkuullarissoq.
Nunamik eqqissisimatitassamik nutaamik
pilersaarusiortoqarpoq – Kalaallit Nunaata kitaani. Siunnersuut naapertorlugu
kujammut Kangerlussuup avannamullu Qeqertarsuup tunuanut Sermersuarmiillu
Davisip Ikeranut isorartussuseqarpoq.
Sivisuumik pilersaarusiortoqarsimavoq, sulili
naammassinani, maannali Pinngortitaleriffik , sumiiffik annertuumik
tamatigoortumik pisuussuteqartoq pinngortitalerinikkut, ujarassiornikkut
kulturikkullu oqaluttuarisaanermi nalitooq pillugu 142-nik qupperneqartumik
nalunaarusiorsimavoq. Suleriaqqinnissami arlalinnik saniatigut innersuussisoqarpoq:
Sumiiffinni paasissutissat pioreersut
amigaateqartut pisoqalisoorsimasullu nutarterneqarnissaat, paasissutissatigut
tamakkiisumik misissuinermi pingaartuuvoq, nalunaarusiami allassimavoq.
Naasut mianernartut, uumasut kiisalu tuttut
umimmaallu ingerlaartarneri, nattorallit piaqqiorfii kissaviarsuillu; aamma
piaqqiorfiit allat, ammassat, nipisat, saarulliit eqaluillu suffisarfii pillugit
ilisimasariaqakkat annertusiniarlugit sumiiffinni arlalinni misissuisoqassasoq
innersuussutigineqarpoq.
Innuttaasut
nipaat
Ukiut tallimat matuma siornagut
aallartinneqartoq ataaseq kommuninit kalluarneqartussanit (Qeqqata aamma
Qeqertalik) Naalakkersuisuniillu suliap ingerlanerani pingaartutut tikkuarneqarpoq:
Sumiiffimmi najugaqartut akuutinneqassapput! Pinngortitaleriffimmmit nalunaarusiami
tamanna aamma erseqqissarneqarpoq.
- Uumasut pillugit paasissutissanik
katersinermi sumiiffinni najugaqartut apersorneqartariaqarput, ilaatigut kuuit
eqaloqafiit pillugit kiisalu nunat immikkuullarissut piniariarnermi allatigullu
atukulaneqartut, allassimavoq.
”Masarsoqarfiit, sumiiffiit mianersuutassat
kulturikkullu eriagisassat illersorneqarnissaat kiisalu nunaqavissut sumiiffiup
piniariarnermut, aalisariarnermut sumiiffimmilu ineriartornermik
suliffissanillu pilersitsisinnaasumik piujuartitsilluni takornarialerinissamut
atorsinnaajuarnissaat qulakkeerlugu nunap eqqissisimatinneqarnissaa Naalakkersuisut
kissaatigigaat Pinngortitaleriffik naluaarusiamik saqqumiinermini allappoq.
Pinngortitarsuartut alutornartutut allaaserineqartut
ilaatigut tassaapput qaqqat Orogen Nagssugtuumiittut, nunarsuup ilaata annersai
Canada, Kalaallit Nunaat Ruslandilu aqqusaarlugit siammarsimasut Kitaanilu
eriagilluarneqarsimasut. Sisimiut eqqaani qaqqat 1000 meteri sinnerlugu
portussusillit, kissaviarsuk aamma uppik taaneqarput. Kulturikkut aamma
eriagisassarpassuupput. Nalunaarusiaq natur.gl-imi atuarneqarsinnaavoq.
