Kalaallit Nunaat aqqutissiuisoq

Inatsisartuni amerlanerussuteqartut partiinut politikerinullu nunanit allanit kinaassutsimillu isertuussinikkut tunissuteqartarnerup inerteqquteqalernerat nunani allani tupaallaatigineqarlunilu nuannersorpassuarnk nalunaaruteqarfiuvoq.

Suliaq nunani allani tusagassiuutini ilisimaneqarluartuni, ilaatigut Frankrigimi aviisimi Europami tusaamasaanerpaami Le Monde-mi, allaaserineqarpoq.

Assinganik iliuuseqartoqarnissaa Danmarkimi Folketingimi ingerlaannaq oqallisigineqalerpoq. „Qallunaat politikerii nuannaartut Kalaallit Nunaata partiinut tapiissuteqartarneranik ilaarsiniarput,“ aviisi Politiken allappoq.

- Isumatusaarnerusoq isumaqarpunga, Danmarkimilu taamaaliortariaqaraluarpugut. Tamanna nunat assigiinngitsut akornanni isumakuluutaavoq, ministeriuneq Mette Frederiksen kalaallit iliuuseqapallannerat pillugu DR-imut oqarpoq.

AAMMA ATUARUK

Piaartumik suliaq: Aningaasanik nunanit allanit tapiissuteqartarnerup inerteqqutaalernissaa ataatsimiititaliamut ingerlateqqinneqarpoq

Danmarkimi qinersinermi nunanit allanit pissaanillit sunniinerannit illersorneqarniassammat tamatuma kingorna Danmarkimi politikkikkut amerlanerussuteqartut qinersinermut inatsit allanngortikkusukkaattamatuma kingorna Ritzau allappoq.

Inatsisartuni inatsisissaq 22-nit akuerineqarpoq, akerliusoqanngilaq ilaasortallu arfineq-pingasut taasinngillat. Siumumiit oqaaseqartartup Doris J. Jensenip suliniut pingaarutilittut taavaa.

- Aningaasanik akilerluta pisiarineqarsinnaanngilagut. Ussassaarutitigut allatigulluunniit avataaneersunit akilerneqarniaraluaruttaluunniit. Inatsisitigut sukaterinerup kingorna avaqquisoqarsinnaanngilaq. Tamat oqartussaanerannik, nunatsinnik innuttaasuinillu illersuinissarput pingaaruteqarpoq, Doris J. Jensen oqarpoq.

Mariane Paviasen Jensen IA-meersoq isumaqataavoq:

- Qinersinerit nunanit allanit sunnerniarneqarnatillu akuliuffigineqassanngillat, oqarpoq.

Inatsit suliarineqartillugu allannguutissatut siunnersuuteqartoqarpoq, tassanilu Folketingimit qallunaallu partiiinit suleqatigisanit tapiissutit suli inatsisinut naapertuuttuussasut erseqqissarneqarpoq. Sermitsiaq.gl naapertorlugu tamanna Naleqqap siulittaasuata Pele Brobergip naammaginngilaa. Brobergip nunanit allanit tapiissutinik inerteqquteqarneq tunngaviusumik tapersersorpaa, kisiannili aamma qallunaat tapiissutaannik inerteqquteqarnissamik ilaneqarnissaa kissaatigaa.

Demokraatit siulittaasuata Jens-Frederik Nielsenip siunnersuut qallunaat tapiissutaannut atuuttussanngussasoq aamma kissaatigigaluarlugu Inatsisartut ataatsimiittarfianni oqarpoq.

Sammisat allat

Sivisuumik oqallinnermi partiimut tapersersuineq kisimi sammineqarani aammali namminiilivinnissaq ilaatigut sammineqarpoq.

- Namminersulernissaq sorsuutiginikuuara, aammalu 2008-mili alloriarneq tulliuttoq namminiilivinnerussasoq oqarnikuuvunga. Kalaalinngorsaaneq piviusunngortinneqarsimanngisaannarpoq. Maannali ukiut 30-t matuma siorna namminiilivinnissaq pillugu oqaaserisakka paasineqarput, Hans Enoksen (N) ataatsimiittarfimmi oqarpoq.

Enoksen Atassutillu siulittaasua Aqqalu Jerimiassen sivisuumik oqaloqatigiissuteqarput, tassanilu aamma kalaallit kinaassusiat eqqartorneqarpoq.

- Kalaallit Nunaat nammineerluni namminiilivissinnaanngilaq,“ Jeremiassen oqarpoq.

Nunanit allanit politikkikkut soqutigisat ingasattajaartut Kalaallit Nunaanni sunniuteqartinneqartassannginnerat pillugu siunnersuut pillugu Atassutip siulittaasua ima oqarpoq:

-Immissinnut paarisariaqarpugut, inuiaavugut ataatsimoortuusussat, oqarpoq.

Marsip 11-ani qinersisoqarnissaanik nalunaaruteqarnermut atatillugu Inatsisartut ataatsimiinnerat qineqqusaarneq pissutigalugu unitsinneqarpoq. Aningaasaqarnermut Ataatsimiititaliaq aamma Nunanut Allanut Sillimaniarnermullu Aningaasaqarnermut Ataatsimiititaliaq aamma Nunanut allanut Isumannaallisaanermullu Ataatsimiititaliaq immikkut ittumik nukinginnarnerusut suliariniarlugit ataatsimiissinnaapput, Siulittaasoqarfik ilisimatitsivoq.