Nuummi unnuakkut pisartut
ilaat unippoq. Qitik kingulleq qitinneqareerpoq, illoqarfiullu imerniartarfiani
siullerpaami – Kalistiinaaqqami tusaamaneqarluartumi - baaja kingulleq
imerneqareerpoq. Imerniartarfimmi attartortoq Kristian Balslev septembari
naasoq attartortuujunnaarami matuersaatit illumik piginnittunut Krissie aamma
Michael Winbergimut tunniuppai.
Initai suneqassanersut
suli maannamut ilisimaneqanngilaq.
Nuummi unnuakkut pisartut
ilaat unippoq. Qitik kingulleq qitinneqareerpoq, illoqarfiullu imerniartarfiani
siullerpaami – Kalistiinaaqqami tusaamaneqarluartumi - baaja kingulleq
imerneqareerpoq. Imerniartarfimmi attartortoq Kristian Balslev septembari
naasoq attartortuujunnaarami matuersaatit illumik piginnittunut Krissie aamma
Michael Winbergimut tunniuppai.
Initai suneqassanersut
suli maannamut ilisimaneqanngilaq.
- Maanna suna tamaat
misissorlugulu torersaassaagut – initaalu sumut atorniarnerlutigit aamma
paaseqqaartussaassavarput, Krissie Winberg Sermitsiamut oqarpoq. Taassuma
ornigarneqarluartoq Cafe Esmeralda Nuup qeqqani illumiittoq ingerlataraa.
Ukiut 70-it
Kalistiinaaraq ukiut
70-it imerniartarfiuvoq. Kristine Chemnitz 1954-imi maajip tallimaani
nillujuitsumik angisuumik piseriarluni iniminilu pingasunik nerrivileriarluni
kaffisorniartarfimmik ammaanerarmat aallartippoq.
Oqaluttuat naapertorlugit
Kristine kukkusoqarneratigut Danmarkimiit baajanik nassiussarsigami taamanikkut
landshøvdingi sussanerluni aperaa. ”Angerlarlutit baajat tuniniarniakkit,” akivoq
– taamaalillunilu Kalaallit Nunaanni imigassanik aalakoornartulinnik
tuniniaanissamut akuersissut siulleq tunniunneqarpoq.
Kalistiinaaraq pillugu ussassaarut 1994-imeersoq, Kalistiinaaqqap Carl Juhlimiit Helge Tangimiillu
ingerlatilerneqanngitsiarnerani.
Kristine Chemnitzip
imerniartarfiutini panimminut Elsemut, Tullemik taaneqartartumut, uianullu
Mortenimut 1962-imi ingerlateqqippaa. Tullep Mortenillu Kristinemut 1994-imi
ukiap tungaanut ingerlappaat, taannalu kingorna Helge Tangimiit Carl Juhlimiillu
tiguneqarpoq.
Kalistiinaaraq ukiorpassuarni
imerniartarfiinnaasimavoq, tamannali 80-ikkunni allanngorpoq, tassami Kristinemut
neriniartarfiullunilu imerniartarfinngorpoq. 81-imiit 21-mut nerriviit
qaqortunik qaleqarput – Nuummilu innuttaasut avataaniillu tikeraartut
nerilluariarlutik baajatuutinnginnerminni nerinertik kalaallit kaffiannik
naggasertarpaat.
Mutten tusaamasaavoq
Kalistiinaaraq
Kalaallit Nunaata avataani aamma ilisimaneqarpoq. Tamatumunnga
minnerunngitsumik erinarsortartoq Poul Dissing pissutaavoq, taassuma
saqqummersitamini 1997-imi saqqummertumi Kalaallit Nunaanni erinarsuut blueserpalaartoq,
”Mutters alene på Mutten” erinarsorpaa. Erinarsuut taanna erinarsuutillu allat
Kalaallit Nunaannut tunngasut 1973-imi Nuummiinnermini isumassarsiarai.
Sapaatit-akunneri pingasut angalasussaagaluarpoq, sapaatilli akunneri sisamat
angalavoq, sila pissutigalugu taamanikkut qulimiguulimmik S-61-imik
timmisartorsinnaasimanngilaq.
AG-mi aaqqissuisuusimasup
Philip Lauritzenip 1994-imi Kalaallit Nunaat pillugu atuagassiamini
immikkoortoq ilivitsoq atorlugu Kalistiinaaraq allaaseraa:
”Mutten tusaamasaavoq —
Nuummi. Kalaallit Nunaanni. Danmarkimi”.
Maanna matuvoq.
Kalistiinaaraq nuannarineqartarlunilu uumigineqarsimavoq. Siornatigut
nuannattoqartarsimaqaaq, nuannaarnerli imigassarlu ilutigalugu silataani
nilliasoqarlunilu, nipiliortoqartarlunilu paasoqartarpoq. Kristine Chemnitz
kukkusumik immiaaqqamik nassiunneqarsimanngitsuuppat Nuuk qanoq
isikkoqarsimassagaluarnersoq apeqqutaaginnarpoq.
Apeqqut tamanna
akineqanngisaannassaaq. Kalistiinaaraq matuvoq. Nuannanneq taamaatippoq.
