Klubbi aappassaa tillinniarfigineqarsimavoq — tillinniat sodavandinik tillipput

Marlunngornerup unnuaani Qaqortumi inuusuttut ornittagaannut Kaassassummut aappassaa tillinniartoqarneranik Kalaallit Nunaanni Politiit nalunaarfigineqarput.

Nalunaaqutaq 02.03 kalerriisoqaqqaarsimasoq, pigaartut pisortaat Jeppe Andsager oqaluttuarpoq.

Politiit sumiiffimmut ornigupput ilaatigullu igalaaq aserorsimasoq assersimavaat.

Unnualli ingerlanerani ajortoqaqqippoq, tassami nalunaaqutaq 04.28 klubbimut tillinniartoqarneranik politiit nalunaarfigineqaqqimmata.

Sodavandinik tillinniartoqarsimasoq aamma kuupiimik qimatsisoqarsimasoq, pigaartut pisortaat oqaluttuarpoq.

Tillinniarnernik takunnissimasinnaasunik politiit ujaasipput, taakkulu uunga attaveqarfigineqarsinnaapput: 70 14 48.