KNAPK unammisoqarneratigut nutaamik siulittaasortaarpoq
Aalisartut piniartullu kattuffianni KNAPK-mi Iluliarmiu Pele Blytmann siulittaasunngorpoq.
Pele Blytmann KNAPK-mi siulittaasunngorpoq.
Assi: KNAPK
Siulittaasunngortup siulittaasuusimasoq Nikkulaat Jeremiassen unammillernikkut ajugaaffigaa.
Pele Blytmann 17-init qinerneqartoq Nikkulaat Jeremiassen arfineq-marlunnik taaneqarpoq.
Nikkulaat Jeremiassen 2021-mi qinigaavoq, taamani siulittaasuusoq Henrik Sandgreen taarserlugu. Kinguninngua Henrik Sandgreen KNAPK-mi ilaasortaajunnaarluni sinerissap qanittuani raajarniartut kattuffiannik nutaamik, QAK-mik, pilersitseqataavoq.
Sinerissap qanittuani raajarniat aqutsisut nutaat naammagiunnaarlugit KNAPK-mi aamma ilaasortaajunnaarput.
KNAPK-p Ilulissani sapaatip-akunnerani matumani ataatsimeersuarnerani Pele Blytmann siulittaasutut qinerneqarpoq.
Siulittaasup tullia aamma taarseneqarluni Qaqortormiu Jens Peter Kielsen qinerneqarpoq, KNAPK tusagassiuutinut nalunaarummi allappoq.
