KNI sulisut naammagisimaarinninnerannik misissuinermi angusarissaartoq
KNI-p sulisut naammagisimaarneqarnerannik misissuinerup inernera saqqummiuppaa. Sulisut suliffimminnik, avatangiisiminnik aqutsisuminnillu naammagisimaarinnittut akissutini takuneqarsinnaapput.
KNI A/S-imi sulisut suliffitsik naammagisimaarluarpaat suliffimminnilu ineriartornissamik periarfissaqarluartoq isumaqarlutik.
Assiliisoq: Aqqalu-Inuuteq Dahl / KNI A/S
KNI Pilersuisoq sulisuminik naammagisimaarinninnermut tunngatillugu nuna tamakkerlugu agguaqatigiissillugu angusarissaarneruvoq.
KNI-p nittartakkamini saqqummiussimasaanit tamanna atuarneqarsinnaavoq.
KNI-mi sulisut naammagisimaarneqarnerat pillugu MTU-mik oktobarimi 2024-mi misissuisoqarpoq. Misissuinerullu inernera aqutsisut oqiliallaatigalugulu nuannaarutigismassajunnarsivaat.
Sulisut ingerlalluarnerat sulinerminnilu nuannarinninnerat annertuvoq, nunalu tamakkerlugu agguaqatigiissillugu angusaqarluarnerpaasunit qaffasinnerulaarlutik, soorlu uani takuneqarsinnaasoq:
Sulisut naammagisimaarinninnerat pillugu misissuinermi akussutit. Sulisut suliffimminnik soqutiginnillutillu naammattunik unammilligassaqarput.
Screendump: KNI
Naammagisimaarinninnerat pillugu misissuinermi sulisuni 614-ini 77 procentit akissuteqarput, taamaattumik KNI-mi sulisut akissutaasa inernerat tutsuiginarluni.
Piumassuseqarneq ingerlalluarnerlu
- Sulisut suliaminnut kajumiginnittut tunniusimasullu misissuinerup inernerisa takutippaat. Immikkut maluginiagassaavoq suliat imaannik naliliinerup qaffasinnera, tassa sulisut suliamik pingaaruteqarnerat KNI-llu ingerlalluarnissaanut tunniussaqarlutik misiginerat annertulluni,
KNI nittartakkamini allappoq.
- Nukittuunik atassuteqartarneq KNI-p ilisarnaatigaa, suleqatinut aqutsisunullu. Naammagisimaarinninnermi misissuinerup takutippaa KNI A/S tassaasoq nunatsinni suliffeqarfiit pitsaanerpaat ilagigaat, tassami uuttuutigineqartuni arlariinni nunatsinni qaffasinnerpaamik inissippugut.
- KNI aalajaalluinnarlutik sulisunik suliffimmik tulluusimaarutiginnittunik sulisoqarpoq. Tamanna assut nalituvoq, tassami suleqatigiinnerit suulluunniit imminut tatigeqatigiinnermik sulinermillu nuannarisaqarnermit pisarput, sulisoqarnermut, attaveqatigiinnermut piujuartitsinermullu pisortap Juliane Henningsen Heilmann oqarpoq.
Suleqatigiinneq naammagisimaasinninnerlu
Sulisut amerlanersaasa suliartornissartik qilanaarisarlugulu naammagisimaarinnillutik akissutigaat. Aamma suliassamik naammassinissaannut piumassuseqarlutik.
Suliffimmik naammagisimaarinninneq annertuvoq, tamannalu sulisoqarnermut, attaveqatigiinnermut piujuartitsinermullu pisortap Juliane Henningsen Heilmannip nuannaarutigaa.
Screendump: KNI
Sulisut suliffimminni ineriartorfiginissaanut periarfissatik ilisimaaraat, isumaqarlutillu KNI sulisuminik ineriartortitsinissamik periarfissarissaartitsisoq.
Suliffeqarfimmi ataqqeqatigiinneq suleqatigiilluarnerlu atuuttut sulisut amerlanersaat aamma isumaqarput.
KNI-mi sulisut suliffimmi ineriartornissamut nutaanillu ilikkagaqarnissamik periarfissaqarluartoq isumaqarput.
Screendump: KNI
