KNR-imi pisortaq alla aamma soraartoq

Evi Kreutzmann KNR-imi radiomi pisortatut isumaqatigiissuteqarnikkut soraarpoq.

Assi: Oscar Scott Carl

Morten Okkels Morten Okkels Morten Okkels Tusagassiortoq

Saqqummersinneqarpoq 10. Apriili 2025 - 15:15

Annonse

Radiomi pisortaq Evi Kreutzmann KNR-imi soraartoq Radiomi pisortaagallartup Bjørk Lange Olsenip Sermitsiamut uppernarsarpaa.

AAMMA ATUARUK

KNR nutaamik pisortassarsiorpoq

Radiomi pisortaq 2024-mi septembarimi atorfinippoq. Nammineq inuttut peqquteqarluni KNR-imik isumaqatigiissuteqarnermigut soraartoq pisortaaneq paasissutissiivoq.

Andrea Christiansen radiomi pisortaagallartunngorpoq. Atorfik inuttassarsiuunneqassaaq.

Pisortat soraakaaneranni tamanna kingullertut pivoq. KNR-imi pisortat 2024-miilli taaseraannerat aallartippoq, ilaatigut pisortaaneq, nutaarsiassaqartitsivimmi pisortaq, aningaasaqarnermut pisortaq, TV-mi pisortaq aamma sulisoqarnermut pisortaq suliffimminnit tunuarsimallutik.

Kingullertigut sulisoqarnermut pisortaagallartoq Maasi Pedersen meeqqanut, inuusuttunut ilaqutariinnullu naalakkersuisunngorniarluni KNR-imit sulinngiffeqalerpoq.