KNR-imi TV-mi pisortaq nutaaq
Kalaallit Nunaata Radioata Mathias Davidsen TV-mi pisortatut atorfinitsippaa, taanna septembarip aallaqqaataani 2024-mi atorfinissaaq. Mathias Davidsen TV-teknikeritut ilinniagaqartoq Niels Pavia Lynge taarserlugu pisortanngussaaq.
Foto: KNR
Mathias Davidsen Niels Pavia Lynge soraarninngortussaq paarlallugu atorfeqalissaaq. Niels Pavia Lynge ukiup nutaap aallartinnerani soraarninngussaaq.
Mathias Davidsen TV-teknikeritut ilinniarsimasuuvoq, KNR TV-milu ukioq 2004 sulilersimalluni, taama KNR-imi sulisoqarnermi pisortaq, René Andersen paasissutissiivoq.
Mathias Davidsen atorfinitsinneqartussanngornini nuannaarutigaa:
- Qujamasuppunga tatigineqarlunga atorfimmut pingaarutilimmut atorfinittussanngorama. Qilanaarpunga Nunatsinni piorsarsimassutsikkut suliaqartut qanittumik suleqatigilernissaannut.
Mathias Davidsen septemberip aallaqaataani 2024 TV-mi pisortanngussaaq.