Kommuni tatineqartoq 100 millionit koruuninik taarsigassarsivoq
Kommune Kujalliup aningaasatigut tatineqarnermigut ikorfartornissaa anguniarlugu taarsigassarsinissaa Naalakkersuisup Erik Jensenip akueraa.
- Kommune Kujalliup piffissami sivisuumi aningaasaqarnikkut ilungersunartorsiornera akueraarput, Kommune Kujalliup 100 millionit koruunit tikillugit taarsigassarsisinnaaneranut atatillugu aningaasaqarnermut akileraartarnermullu naalakkersuisoq Erik Jensen oqarpoq.
Assi: Leiff Josefsen
Kommune Kujalleq aningaasatigut ajornartorsiortoq maanna ikiorserneqassaaq.
Kommunip 100 millionit koruunit angullugit taarsigassarsinissamik qinnuteqaataa akuerineqartoq, Aningaasaqarnermut naalakkersuisoq Erik Jensen (S) ilisimatitsivoq. Taarsigassarsineq iluarsaaqqinnissamut pilersaarutit annertuut kommunalbestyrelsimit akuerineqareersut ilagaat.
- Kommune Kujalliup piffissami sivisuumi aningaasaqarnikkut ilungersunartorsiornera akueraarput.
- Kommunip siunissami piujuartitsisumik aningaasaqarnikkut ineriartorsinnaanerata qularnaarnissaanut siunnerfeqartumik sulisinnaanngornera maannakkut pingaarnerpaavoq, tusagassiuutinut nalunaarummi Erik Jensen oqaaseqarpoq.
Piumasaqaatit arlaqartut
Naalakkersuisut akuersissutaasa saniatigut piumasaqaatit arlallit Kommune Kujallermit naammassineqartussaapput.
Ilaatigut uku annertusisamik nakkutigineqassapput:
- Akuersissutip ilaatigut annertusisamik nakkutilliineq taarsigassarsianullu piffissami aalajangersimasumi taarsersuinissaq malitsigai. Kommunip aningaasaqarnikkut inissisimaneranik ingerlaavartumik nalunaaruteqartarnissaq piumasaqaatigineqarpoq, tassani aningaasat tigoriaannaat, tassani aningaasat tigoriaannaat aallunneqarnerat, taarsigassarsianik akilersuutit kiisalu missingersuutinik nalimmassaanerit ilanngullugit, Naalakkersuisut ilisimatitsipput.
