Kommuninut qinigassanngortittut 301-it - taakku affaat ataatilaarlugit aamma Inatsisartunut sassarput

Ilimatsaassinarpoq partiit nunatsinni partiit qinikkatut marloqiusamik inissisimasarneq akuersaartumik isiginnittaaseqartuusut. Taakkumi kommunalbestyrelsinut sassartitaasa affangajai ataatsikkut kommunalimut Inatsisartunullu qinigassanngortillutik sassarput.

Qullermi qinigassanngortittut tamarmik qinigaaffinnut marlunnut sassarput

Partii nutaajusoq Qulleq, qanittumilu qinigassanngortitsisinnaasutut akuerineqartoq, kommunalbestyrelsinut qinigassanngortittunik 15-inik sassartitsivoq.

Qinigassanngortittut tamarmik aamma Inatsisartunut qinigassanngortipput.

Kommune Qeqertalik eqqaassanngikkaanni, kommunit sinnerini tamani partii qinigassanngortitsivoq.

Inatsisartuni ilaasortat maanna atuuttut aamma kommunalbestyrelsinut sassartut allattorsimaffiani takussaapput

Inatsisartuni ilaasortat maanna tunuartut arlallit kommunalbestyrelsinut qinersinermi taasiffissami takuneqarsinnaassapput.

Taakkununnga ilaapput Aqqaluaq Biilmann Egede (IA), Kristian Jeremiassen (IA) Pipaluk Lynge (IA) Nivi Olsen (D), Juliane Enoksen (IA), Aqqalu C. Jerimiassen (A) Bentiaraq Ottosen (A), Pele Broberg (N), Jens Napaattooq (N), Mette A. Hammeken (N), Mala Høy Kuko (S), Karl Tobiassen (S), Doris J. Jensen (S), Kim Kielsen (S), Anders Olsen (S). 

• Inatsisartunut qinigassanngortittut misissuataarneqarsinnaapput UANI.
• Avannaata Kommuniani kommunalbestyrelsimut qinigassanngortittut misissuataarneqarsinnaapput UANI.
• Kommune Qeqertalimmi kommunalbestyrelsimut qinigassanngortittut misissuataarneqarsinnaapput UANI.
• Qeqqata Kommuniani kommunalbestyrelsimut qinigassanngortittut misissuataarneqarsinnaapput UANI.
• Kommuneqarfik Sermersuumi kommunalbestyrelsimut qinigassanngortittut misissuataarneqarsinnaapput UANI.
• Kommune Kujallermi kommunalbestyrelsimut qinigassanngortittut misissuataarneqarsinnaapput UANI.