Politikeriusimasoq nuimasoq Lars-Emil Johansen aamma kommunimi pisortaasimasoq Lars Møller-Sørensen Kalaallit Nunaata Eqqartuussiviani aggustip 11-aniit 13-ianut sassartinneqassapput.
Aamma eqqartuussissuserisunit nutaanit illersorneqassapput.
Politikeriusimasoq nuimasoq Lars-Emil Johansen aamma kommunimi pisortaasimasoq Lars Møller-Sørensen Kalaallit Nunaata Eqqartuussiviani aggustip 11-aniit 13-ianut sassartinneqassapput.
Aamma eqqartuussissuserisunit nutaanit illersorneqassapput.
Anders K. Németh nunatta eqqartuussiviani Lars-Emil Johansenimut illersuisuussasoq taavalu Julie Stagep Lars Møller-Sørensen illersuisuuffigissagaa Sermitsiamit uppernarsineqarpoq.
Illersuisussat Sermersuup Eqqartuussiviani januaarip 15-ianni eqqartuussut, taakku marluk peqquserluttutut eqqartuunneqarnerannut tunngaviusoq, allanngortinniarlugu sulissutigissavaat.
Tamatuma kingunerisaanik tamarmik immikkut qaammatini arfinilinni pinerluuteqarsimasunut inissiisarfimmiittussanngortinneqarput.
Atit tusaamasat
Anders K. Németh aningaasatigut pinerlunnerit pillugit immikkut ilisimasaqarpoq. Ilaatigut danskit naalagaaffiannut akileraarutitigut peqquserlunnermik suliarujussuarmi illersuisuusimavoq.
Julie Stage Paul Watsonip, Japanimit 2024-mi tunniunneqaqquneqarami Nuummi pinngitsaalineqarluni tigummigallarneqarsimasup, decembarimilu iperagaasup, eqqartuussissuserisorisimasaasa ilagaat.
Stage aamma aningaasanik peqquserlutsitsinermik suliami Danske Bankip eqqartuussissuserisuinut misissuisuunikuuvoq.
Lars-Emil Johansen aamma Lars Møller-Sørensen politikeriusimasup suliaqanngikkaluarluni 730.000 koruuninik akissarsitissinnaanngorlugu isumaqatigiissuteqarsimasutut eqqartuunneqarsimapput. Taanna pisortatigoortumik kommunimut siunnersortaavoq.
Unnerluussisussaatitaasup piumasaqaatilimmik pineqaatissiisoqarnissaa taamaallaat piumasarisimammagu eqqartuussiviup piumasaqaateqanngitsumik pineqaatissiissutaa inuppassuarnit tupaallaatigineqarpoq.
